Page Text
________________
કોન્ફરન્સનું ૨૪મું અધિવેશન રાખેલ. આ કાર્ય માટે કોન્ફરન્સના માનદ મંત્રીશ્રી જયંતભાઇ એમ. શાહ, શ્રી મહાવીર જૈન વિદ્યાલયના મહામંત્રિ શ્રી કાંતિલાલ ડી. કોરાની સાથે હું પણ ત્રણેક દિવસ પહેલાં દિલડી પહોંચેલા. સ્મારક સ્થળ પર પુજયશ્રીએ સ્થિરતા કરેલી. એ પ્રસંગે જીવનની વિશ્વમૈત્રીગામી સાધનાને બળે એમનાં વિચાર –વાણી– વર્તનમાં વ્યાપી ગયેલી વત્સલતા જોવા મળી.
મુંબઈથી સ્પેશ્યલ ટ્રેનમાં મારાં પત્ની ઉષા, મારા માતુશ્રી,મારા નાના ભાઇના પત્ની જયોતિ અને તેના બાળકો પૌમિલ અને શ્રેણિકને લઈને તા. ૨૮-૧૧-૭૯ ના સંધ્યાકાળે પૂજયશ્રીનાં વંદનાર્થે ગયો. પણ ભકિતશીલ અને જિજ્ઞાસુ ભાઈ -બહેનોનું જૂથ સાધ્વીજી મહારાજ પાસે બેઠેલું જોઇ, દૂરથી દર્શન કરી, પછી આવીએ તેમ નકકી કરી અમે ચાલવા માંડયું એટલે સાધ્વીજી સુયશાશ્રીજીએ મને બૂમ મારી કહ્યું “નગીનભાઇ, મહારાજશ્રી આપને બોલાવે છે. અમે તરત જ પાછા ફર્યા અને પૂ. મૃગાવતીજીશ્રીજી મહારાજે વાસક્ષેપ આપ્યો. ઠંડીના દિવસો હોઇ, મારો ભત્રીજો પૌમિલ ધ્રુજતો હતો તે જોઈને પૂજયશ્રીએ પૂછયું:દિલ્હીમાં ઠંડી વધુ હોય છે. તમે આ બાબા માટે ગરમ પહેરવાનું કંઈ લાવ્યા છો? હું જવાબ આપવામાં અચકાયો એટલે તરતજ બાજુમાં બેઠેલા એક પંજાબીબહેનને કહ્યું હ મેરા ભાઈ હૈ, ઇસ બચ્ચે કે લીયે એક ગરમ સ્વેટર શીધ્ર લાનેકા પ્રબન્ધ કિજિયે મારાં પત્ની ઉષાએ કહ્યું સાહેબજી કાંઈ જરૂર નથી.. પૂજયશ્રીએ ખૂબ જ લાગણીભર્યા શબ્દોમાં કહ્યું. “મોટી વ્યકિતઓનું ધ્યાન રાખનારા ઘણાં છે. આવા સમયે મારે તમારું ધ્યાન રાખવાનું છે.” એ પછી રાત્રિના નવેક વાગે અમે જે સ્થળે રહેલાં ત્યાં એક બહેન તથા ભાઇ આવ્યાં અને બન્ને બાબા માટે તથા મારા માટે ગરમ સ્વેટર, મફલર ભેટ તરીકે સ્વીકારવાનો અત્યંત આગ્રહ કર્યો, ત્યારે તેમનાં પ્રેમ અને લાગણીની ભાવનાનો અસ્વીકાર ન કરી શકયો. મારા માટે આ પ્રસંગ નવો હતો. અનેક જૈન અગ્રણીઓની હાજરી અને સ્મારક સ્થળ માટે દાન એકત્ર કરવાના, પ્રેરણા આપવાના સમયે મારા જેવી નાની વ્યકિત માટે જે વાત્સલ્યભાવ ૫. સાધ્વીજી મગાવતીશ્રીજીએ બતાવ્યો તે મારા જીવનની સૌથી પ્રેરક અને યાદગાર ઘટના છે. ' - છેલ્લે પૂજયશ્રીની બિમારીની જાણ થતાં દિલ્હી જઈ દર્શન કરવાની ખૂબ ઇચ્છા હતી, પણ સંજોગવશાત હું જઈ ન શકયો તેનો મને અફસોસ છે. તો બીજી બાજુ ૪૮ વર્ષના દીર્ધ સંયમજીવનનો ઉદાત્ત અને પ્રેરક જીવનનો પરિચય લખવાની શ્રી ઉમેદમલજી જૈન તથા (સ્વ) શ્રી રસિકભાઈ કોરાએ મને જે તક આપી અને મેં તૈયાર કરેલ પૂજયશ્રીનો પરિચય શ્રી આત્માનંદ જૈન સભામાં છપાવીને મુંબઇમાં મળેલ દિવંગત સાધ્વીજી મ.સા.ને શ્રદ્ધાંજલિ સભામાં હાજર રહેલા સૌને પહોંચાડવાની વ્યવસ્થા કરી તે પણ મારા જીવનનું મોટું સદ્ભાગ્ય છે..
મારા ઉપર તેઓશ્રીનો વાત્સલ્યભાવ ખૂબ હતો. અવારનવાર પત્રો લખી શાસન પ્રવૃતિના સમાચાર સાથે તેઓ ખબર અંતર પૂછાવતા અને તેમના પરિચયમાં આવેલા મારા કુટુંબના દરેકનો નામોલ્લેખ પત્રમાં કરતાં હતાં.
અંતમાં આત્મસાધક શ્રમણીને શોભે તેવી વિવેકશીલતા અને તેજસ્વી વ્યકિતત્વ ધરાવનાર પૂજયશ્રીને આ તકે મારી ભાવભરી અંજલિ અર્પિત કરું છું.
મહત્તરા શ્રી મૃગાવતીશ્રીજી
| SR No. | 012083 |
| Book Title | Mahattara Shree Mrugavatishreeji |
| Original Sutra Author | N/A |
| Author | Ramanlal C Shah and Others |
| Publisher | Vallabhsuri Smarak Nidhi |
| Publication Year | 1989 |
| Total Pages | 198 |
| Language | Gujarati, Hindi, Sanskrit |
| Classification | Smruti_Granth |
| File Size | 5 MB |