Page Text
________________
.? |
દિવ્ય આત્માના દર્શન
| ભગવાન રાણા
જયારે મહારાજશ્રી દિલ્હીમાં દિવ્ય વાણી અને સદ્વ્યવહારના માધ્યમથી અધ્યાત્મજ્ઞાનની લ્હાણી કરી રહ્યાં હતાં. ત્યારે એનો લાભ મને પણ મળ્યો હતો. એમનો દિવ્ય પ્રેમ પામીને મને અપાર શક્તિ અને પ્રેરણા મળ્યાં છે. મહારાજશ્રીનું જીવન પવિત્ર અને સાદાઈથી પૂર્ણ હતું. મારી દ્રષ્ટિએ મહારાજશ્રી પૂર્ણ યોગી, પૂર્ણ ગુરુ અને પોતાના ગુરુના પૂર્ણ શિષ્ય હતાં. તેઓ બધાનાં હતાં પરંતુ જેમણે સાચી શ્રધ્ધાથી પોતાની જાતને સમર્પિત કરી તેઓ મહત્તરાજીના જ્ઞાનનો વિશેષ લાભ મેળવી શક્યા. - ધર્મના નામે જુઠાણાં અને બનાવટ આચરનાર લોકો સાથે એમને કોઈ સંબંધ ન હતો. તેઓ કહેતા, “દેખાડો ન કરો, પણ સત્યનું આચરણ કરો તો જ સાચા શિક્ષિત બની શકશો'. તેઓ મને પ્રેમથી કહેતા, ‘રાણા, તમે માન, ઇજજતની ચિંતા ન કરજો. પરંતુ સત્યનો પ્રકાશ ફેલાય એ રીતે જાતને તૈયાર કરજો. સૌને સ્નેહ આપજો. સતત સેવા કરજો'.
• મારે માટે સરસ દિનચર્યા બતાવી કે જેથી મને ધ્યાન, સ્વાધ્યાય અને નિષ્કામ સેવા માટે સમય મળે.
હું ઘણીવાર જિજ્ઞાસાથી સત્સંગ માટે મહારાજશ્રી પાસે ખેંચાઈને પહોંચી જતો. મારા મિત્રોને વાત કરી તો તેઓ પણ એમનાં દર્શનનો લાભ લઈ શક્યા. એક વખત મિત્રોના આગ્રહ અને મારી પ્રબળ ઇચ્છાથી મહારાજશ્રીને હું વિનંતી . કરી બેઠો, “મારા ગામમાં પધારી ગામવાસી ભાઇબહેનોને લાભ આપો.'
મહારાજશ્રીએ મારી પ્રાર્થનાનો સ્વીકાર કરી લીધો. જે દિવસે તેઓ અમારા ગામમાં પધારવાના હતા તેના થોડા સમય પહેલાં કોઇકે ગામવાસીઓના મનમાં મારી વિરુધ્ધ ભડકાવી દીધા. જયાં પ્રવચન થવાનું હતું ત્યાં કોઈ ન પહોંચ્યું અને દૂર ઊભા રહી મારે વિશે કહેવા લાગ્યા કે, હું લાલચુ અને સ્વાર્થી છું. જયાં પ્રવચનનું આયોજન થયું હતું તે જગા હું હડપ કરી જવા માગું છું એવું એવું પણ કહ્યું. હું પોતે આવી વાતોથી અજાણ હતો. આ બધું જોઈ મને ખૂબ દુઃખ થયું અને રોષ પણ થયો. મારા એ ભાવને મહારાજશ્રી પામી ગયાં અને કહ્યું, ‘રાણા, બધાને પ્રેમ કરો, તો ક્રોધ ન આવે.'
હું મારી સ્થિતિનો વિચાર કરવા લાગ્યો. મારા ભાઇઓ મારા મનના ભાવ સમજી શક્યા હોત તો! થોડી વાર રહીને જોઉ છું તો એક એક કરીને ઘણાં લોકો મહારાજશ્રીના ચરણો પાસે આવીને ઊભા. પ્રવચન થયું અને નાના મહારાજ (સુયશાશ્રીજીના) કંઠે સુંદર ભજન પણ સાંભળવા મળ્યું. ત્યાર બાદ સૌ મહારાજશ્રી પાસેથી જાણે મનોમન ક્ષમા માગી રહ્યા હતા. મહારાજશ્રીએ સૌને આશીર્વાદ આપ્યા. ત્યાર પછી એ લોકો મારી માફી માગવા લાગ્યા કે, મને ગલત સમજી બેઠા હતા. મને તે થયું આ બધો મહારાજશ્રીનો પ્રભાવ છે. તેઓ બધા પ્રત્યે સમભાવ રાખે છે અને સૌને ધર્મલાભ આપે છે.
મહારાજશ્રીનો સત્સંગ મળ્યો એને અપાર કૃપા જ કહેવી જોઇએ. એમના મુખેથી મધુર અને જીવનોપયોગી ઉપદેશ સાંભળવા મળ્યો. સાચે જ હું કહી નથી શકતો કે મને શું શું પ્રાપ્ત થયું છે! સ્મારક પર જવાથી એવી પ્રતીતિ થતી કે, હવે બીજું કંઈ નથી જોઈતું. હવે હિમાલય જવાની જરૂર નથી કે નથી જરૂર એકાંતમાં મૌન ધારણ કરવાની. હવે હું અનુભવ કરું છું કે, મારા વિચારોમાં મહારાજશ્રીની શક્તિ કામ કરી રહી છે.
ગુર વલ્લભના નામથી મહારાજશ્રીએ દિલ્હીમાં એક સ્તંભ રચ્યો છે, જયાંથી સતત શાંતિનો નાદ, જ્ઞાનનો પ્રકાશ. દીન દુખીઓની સેવા, સાધક સાધ્વીઓની સાર સંભાળનું કર્તવ્ય બજાવનાર એક નહિ પણ હજારોની સંખ્યામાં
મહત્તરા શ્રી મગાવતીશ્રીજી
| SR No. | 012083 |
| Book Title | Mahattara Shree Mrugavatishreeji |
| Original Sutra Author | N/A |
| Author | Ramanlal C Shah and Others |
| Publisher | Vallabhsuri Smarak Nidhi |
| Publication Year | 1989 |
| Total Pages | 198 |
| Language | Gujarati, Hindi, Sanskrit |
| Classification | Smruti_Granth |
| File Size | 5 MB |