________________
गणिनी आर्यिकारत्न श्री ज्ञानमती अभिवन्दन ग्रन्थ
[३१७
[६९ ] तं धारणं परम-रम्म-पहं च जाणं
सम्मं च एव पुरिसत्थ-विसाल-ठाणं । जोई-सरूव-परमं पद-दाण-जोग्गं
णाणं जगे अखय-सुद्ध-पबुद्ध दाणं ॥ ६९ ।।
[७० ] सम्मं विणा परिभमेदि जणो हि लोए
णतं च काल-सय-दुक्ख-अणाण-णाणे । णाणं विणा चरिद-भाव-पवित्त-हीणो
चारित्त-चार-भव-भार-पवणं णो ॥ ७० ॥
[७१ ] कल्लाण-सव्व-अदुलो सुह-सस्स-बीओ
संसार-सायर-तरं तरणी-समाणं । पावस्स रुक्ख-हणणे तं कुढार-रूवं
णाणं च णाणमदि-णायग-जाण-तुल्लं ॥ ७१ ॥
[७२ ] जाए च जीव-रयणत्तय-धम्म-धारी
___पण्णा-पहाण-उदहिं अवगाहणाणं । णाणाइ-जोग-गुण-णेय-पजोगणाणं
दे दाण-णाणमदि-णाण-सुणाण-झाणं ॥ ७२ ।।
[७३ ] जे वी जणा भमण-सील-अवार-लोए
ते भत्त णाण थह-जुत्त पमत्त-मुत्ता । जाएदि लोग-सिहरे सुह-णाण-झाणे
पासाण-कंचण-जधा मलमुत्त-जादे ॥ ७३ ॥
[७४ ] मे णाण-णाणमदि-सम्म-फलादु हेडं
दंसेण णाणफल सम्म-चरित्त-धम्मं । वित्तेण वड्ढदि भवं रदि-भाव-दोसं
चारित्त-चारु-रमणेण च मुत्ति-कम्मं ॥ ७४ ॥
[७५ ] तच्चेपा बोह-मणरोध-सुजोग-भावो
अप्पेण अप्पहिद-सुद्ध-समत्त-भावो । रागेण दोस-रहिदेण च सोह-मुत्तो
मोहेण मारदि मणं चरदे सुणाणं ॥ ७५ ॥
[७६ ] संती-वएण अणुरूव-सु-सोम्म-भावे
णाएण तच्च-णय-संत-महंत-णाणं । वेसिट्ठ-भद्दहिदबोह-णिगूढ-सत्थं
सिद्धंत-सार-अहिहार-भजंत-विजं ॥ ७६ ॥
Jain Educationa international
For Personal and Private Use Only
www.jainelibrary.org
