Page Text
________________
भगवई
अहासुह देवाणुप्पिया | मा पडिवध ।। तए णं भगवं गोयमे समणेणं भगवया महावीरेण अभणुण्णाए समाणे समणस्स भगवो महावीरस्स अंतियानो कोटयानो चेइयायो पडिनिक्खमइ, पडिनिक्खमित्ता अतुरियमचवलमसभते जुगतरपलोयणाए दिट्ठीए पुरो रिय सोहेमाणेसोहेमाणे जेणेव सावत्थो नगरी तेणेव उवागच्छड, उवागच्छित्ता सावत्थीए
नगरीए उच्च-नीय-मज्झिमाइ कुलाइ घरसमुदाणस्स भिक्खायरियं अडइ ।। १२ तए ण भगव गोयमे सावत्थीए नगरीए उच्च-नीय-मज्झिमाइं कुलाइ घरसमु
दाणस्स भिक्खायरियाए° अडमाणे बहुजणसद्द निसामेड, वहुजणो अण्णमण्णस्स एवमाइक्खइ एव भासइ एवं पण्णवेइ एव परूवेइ-एव खलु देवाणुप्पिया । गोसाले मखलिपुत्ते जिणे जिणप्पलावी जाव' जिणे जिणसह पगासेमाणे विहरइ । से कहमेय मन्ने एवं ? तेए णं भगवं गोयमे बहुजणस्स अतिय एयमट्ठ सोच्चा निसम्म जायसड्ढे 'जाव' समुप्पन्नकोउहल्ले अहापज्जत्त समुदाण गेण्हइ, गेण्हित्ता सावत्थीयो नगरीयो पडिनिक्खमइ, अतुरियमचवलमसभंते जुगतरपलोयणाए दिट्ठीए पुरो रिय सोहेमोणे-सोहेमाणे जेणेव कोट्ठए चेइए, जेणेव समणे भगव महावीरे तेणेव उवागच्छइ, उवागच्छित्ता समणस्स भगवनो महावीरस्स अदूरसामते गमणागमणाए पडिक्कमइ, पडिक्कमित्ता एसणमणेसण पालोएइ, आलोएत्ता भत्तपाण पडिदसेइ, पडिदसेत्ता समण भगव महावीर वदइ नमसइ, वंदित्ता नमसित्ता णच्चासन्ने णातिदूरे सुस्सूसमाणे नमसमाणे अभिमुहे विणएणं पजलियडे पज्जुवासमाणे एव वयासी-एव खलु अह भते । 'छक्खमणपारणगसि तुन्भेहिं अब्भणुण्णाए समाणे सावत्थीए नगरीए उच्च-नीय-मज्झिमाणि कुलाणि घरसमुदाणस्स भिक्खयरियाए अडमाणे बहुजणसई निसामेमि, बहजणो अण्णमण्णस्स एवमाइक्खइ एव भासंइ एव पण्णवेइ एवं परूंवेइ-एव खलु देवाणुप्पिया । गोसाले मंखलिपुत्ते जिणे जिणप्पलावी जाव जिणे जिणसह पगासेमाणे विहरइ । से कहमेय भते । एव ? त इच्छामि ण भते । गोसालस्स
मखलिपुत्तस्स उदाणपारियाणिय" परिकहिय ।। १४. गोयमादी । समणे भगव महावीरे भगव गोयम एव वयासी-जण्ण गोयमा !
से बहुजणो अण्णमण्णस्स एवमाइक्खइ एव भासइ एव पण्णवेइ एव परूवेइएवं खलु गोसाले मखलिपुत्ते जिणे जिणप्पलावी जाव जिणे जिणसह पगासेमाणे विहरइ । तण्ण मिच्छा । अह पुण गोयमा । एवमाइक्खामि जाव परूवेमि
१. भ० १५२६ ।
३. भ० १।१०। २. स० पा०-जायसड्ढे जाव भत्तपाण पडि- ४. स० पा०-छ? त चेव जाव जिणसह । दसेइ जाव पज्जुवासमाणे ।
५ परियाणिण (अ,व,स), ° पारियाण (ता)।
| SR No. | 010873 |
| Book Title | Jainagmo Me Parmatmavad |
| Original Sutra Author | N/A |
| Author | Atmaramji Maharaj |
| Publisher | Atmaram Jain Prakashanalay |
| Publication Year | |
| Total Pages | 1157 |
| Language | Hindi |
| Classification | Book_Devnagari |
| File Size | 50 MB |