________________
संग्रहणी - गाहा
उत्थं सतं १, २, ३, ४ उद्देसो
चत्तारि विमाणेहि, चत्तारि य होति रायहाणीहि । नेरइए लेस्साहि य, दस उद्देसा चउत्थसए ॥१॥
१ रायगिहे नगरे जाव' एवं वयासी – ईसाणस्स ण भंते । देविदस्स देवरणो
कइ लोगपाला पण्णत्ता
?
1
गोयमा । चत्तारि लोगपाला पण्णत्ता, त जहा- सोमे, जमे, 'वेसमणे, वरुणे ॥
२ एएसि ण भते । लोगपालाण कइ विमाणा पण्णत्ता ?
गोयमा । चत्तारि विमाणा पण्णत्ता, त जहा - सुमणे, सव्वप्रभद्दे, वग्गू, सुवग्गू ॥
३ कहि ण भते । ईसाणस्स देविदस्स देवरण्णो सोमस्स महारण्णो सुमणे नाम महाविमाणे पण्णत्ते ?
गोयमा ! जबुद्दीवे दीवे मदरस्स पव्वयस्स उत्तरे ण इमीसे रयणप्पभाए पुढवीए जाव' ईसाणे नाम कप्पे पण्णत्ते । तत्य ण जाव' पच वडेसया पण्णत्ता, त जहा – कवडेसए, फलिहवडेसए, रयणवडेसए, जायरूववडेसए, मज्झे' ईसाणवडेसए ॥
१. भ० १1४-१० ।
२ वरुणे वेसमणे ( ब ) ।
३ प०२ ।
४ १०२ ।
५ मज्झे तत्थ ( अ ), मज्भे यत्थ (क, ता, म) 1
१८३
