________________
भगवई
६४४
गोयमा । अविराहण पडुच्च इदत्ताए वा उववज्जेज्जा जाव अहमिदत्ताए वा
उववज्जेज्जा । विराहणं पडुच्च अण्णयरेसु उववज्जेज्जा ॥ ३४१ नियठे-पुच्छा।
गोयमा । अविराहण पडुच्च नो इदत्ताए उववज्जेज्जा जाव नो लोगपालत्ताए उववज्जेज्जा, अहमिंदत्ताए उववज्जेज्जा। विराहण पडुच्च अण्णयरेसु उवव
ज्जेज्जा ॥ ३४२. पुलायस्स ण भते । देवलोगेसु उववज्जमाणस्स केवतिय काल ठिती पण्णत्ता ?
गोयमा | जहण्णण पलिओवमपुहत्त, उक्कोसेण अट्ठारस सागरोवमाइ ॥ , ३४३ वउसस्स–पुच्छा।
गोयमा | जहण्णेण पलिअोवमपुहत्त, उक्कोसेण वावीस सागरोवमाइ । एव
पडिसेवणाकुसीलस्स वि ॥ ३४४ कसायकुसीलस्स-पुच्छा ।
गोयमा | जहणेण पलिग्रोवमपुहत्त, उक्कोसेण तेत्तीस सागरोवमाइं ।। ३४५. नियठस्स-पुच्छा ।
गोयमा ! अजहण्णमणक्कोसेण तेत्तीसं सागरोवमाइ ॥ संजमट्ठाण-पदं ३४६ पुलागस्स णं भते । केवतिया सजमट्ठाणा पण्णत्ता ?
गोयमा ! असखेज्जा संजमट्ठाणा पण्णत्ता । एव जाव कसायकुसीलस्स ।। ३४७ नियठस्स ण भते । केवतिया सजमट्ठाणा पण्णत्ता? .
गोयमा । एगे अजहण्णमणुक्कोसए सजमट्ठाणे । एव सिणायस्स वि ।। ३४८ एतेसि ण भते । पुलाग-बउस-पडिसेवणा-कसायकुसील-नियठ-सिणायाण सजम
टाणाण कयरे कयरेहितो' 'अप्पा वा ? बहुया वा ? तुल्ला वा ? • विपेसाहिया वा? गोयमा । सव्वत्थोवे नियठस्स सिणायस्स य एगे अजहण्णमणुक्कोसए सजमट्ठाणे । पुलागस्स ण सजमट्ठाणा असखेज्जगुणा । बउसस्स सजमट्ठाणा असखेज्जगुणा । पडिसेवणाकुसीलस्स सजमट्ठाणा असखेज्जगुणा । कसायकुसी
लस्स सजमट्ठाणा असखेज्जगुणा ।। निगास-पदं ३४६ पुलागस्स ण भते । केवतिया चरित्तपज्जवा पण्णत्ता ?
गोयमा । अणता चरित्तपज्जवा पण्णत्ता । एव जाव सिणायस्स ।।
१. म० पा०-कयरेहितो जाव विमेमाहिया ।
