________________
६२
उवासगदसासु [८-२३५अट्ट वया, रेवईपामोक्खाहिं तेरसहि भारियाहि अवसेसं मेहुणविहिं पञ्चक्खाइ । सेसं सव्वं तहेव । इमं च णं एयारूवं अभिग्गहं अभिगिण्हइ । “कल्लाकल्लिं कप्पइ मे वेदोणियाए कंसपाईए हिरण्णभरियाए संववहरित्तए " ॥२३५॥
तए णं से महासयए समोवासए जाए अभिगयजीचाजीवे जाव विहरइ ।।२३६॥
तए णं समणे भगवं महावीरे वहिया जणवयविहारं विहरइ ॥२३७॥
तए णं तीसे रेवईए गाहावइणीए अनया कयाइ पुव रत्तावरत्तकालसमयंसि कुडम्ब जाच इमेयारूवे अज्झथिए ४। " एवं खलु अहं इमासिं दुवालसण्हं सवत्तीणं विधाएणं नो संचाएमि महासयएणं समणोवासएणं सद्धि उरालाई माणुस्सयाई भोगभोगाई भुञ्जमाणी विहरित्तए । तं सेयं खलु ममं एयाओ दुवालस वि सवत्तियाओ अग्गिपओगेण वा सत्यप्पओगेण वा विसप्पओगेण वा जीवियाओ चवरोवित्ता, एयासं एगमेगं हिरणकोडिं एगमेगं वयं सयमेव उवसंपजित्ताणं महासयएणं समणोवासएणं सद्धिं उरालाई जाव विहरित्तए" एवं संपेहेइ, २ त्ता तासिं दुवालसण्हं सवत्तीणं अन्तराणि य छिहाणि य विवराणि य पडिजागरमाणी विहरइ ॥२३८॥
तए णं सा रेवई गाहावइणी अन्नया कयाइ तासिं दुवालसण्हं सवत्तीणं अन्तरं जाणित्ता छ सवत्तीओ सत्यप्पआगेणं उद्दवेइ, २ चा छ सवत्तीओ विसप्पओगेणं उद्दवेइ, २त्ता तासिं दुवालसण्हं सवत्तीणं कोलघरियं एगमेगं हिरण्णकोर्डि एगमेगं वयं सयमेव पडिवजइ, २ चा महा
