________________
सुवण्णपतरगमंडिता णाणामणिरयणविविधहारद्धहार (उवसोभितसमुदया) जाव सिरीए अतीव अतीव उवसोभेमाणा उवसोभेमाणा चिट्ठति ॥ तेसि णं णागदंतकाणं उवरि अण्णाओ दो दो णागदंतपरिवाडीओ पण्णत्ताओ, तेसि णं णागदंतगाणं मुत्ताजालंतरूसिया तहेव जाव समणाउसो! । तेसु णं णागदंतएसु बहवे रयतामया सिक्कया पण्णत्ता, तेसु णं रयणामएसु सिक्कएसु यहवे वेरुलियामतीओ धूवघडीओ पण्णत्ताओ, तंजहा ताओ णं धूवघडीओ कालागुरुपवरकुंदरुक्कतुरुकधूवमघमघंतगंधुद्धयाभिरामाओ सुगंधवरगंधगंधियाओ गंधवहिभूयाओ ओरालेणं मणुण्णेणं घाणमणणिचुइकरेणं गंधेणं तप्पएसे सव्वतो समंता आपूरेमाणीओ आपूरेमाणीओ अतीव अतीव सिरीए जाव चिट्ठति ॥ विजयस्स णं दारस्स उभयतो पासिं दुहतो णिसीधियाए दो दो सालिभंजियापरिवाडीओ पण्णत्ताओ, ताओ णं सालभंजियाओ लीलहिताओ सुपयट्टियाओ सुअलंकिताओ णाणागारवसणाओ णाणामल्लपिणहि(द्धि)ओ मुट्ठीगेज्झमज्झाओ आमेलगजमलजुयलवद्दिअन्भुण्णयपीणरचियसंठियपओहराओ रत्तावंगाओ असियकेसीओ मिदुविसयपसत्थलक्खणसंवेल्लितग्गसिरयाओ ईसिं असोगवरपादवसमुट्टिताओ वामहत्थगहितग्गसालाओ इसिं अडच्छिकडक्वविद्धिएहिं लूसेमाणीतो इव चक्खुल्लोयणलेसाहिं अण्णमणं खिजमाणीओ इव पुढविपरिणामाओ सासयभावमुव
