________________
NVE
-
९३ प्रतिपत्ती
मनुष्या० वनखण्डाधि० उद्देश:१ सू०१२७
-
-
अच्छा जाव पडिरूवा ॥ तासि णं खुड्डियाणं वावीणं जाव बिलपंतियाणं तत्थ तत्थ देसे २ तहिं तहिं बहवे उप्पायपब्वया णियइपव्वया जगतिपव्वया दारुपव्वयगा दगमंडवगा दगमंचका दगमालका दगपासायगा ऊसडा खुल्ला खडहडगा अंदोलगा पक्खंदोलगा सव्वरयणामया अच्छा जाव पडिरूवा ॥ तेसु णं उप्पायपव्वतेसु जाव पक्खंदोलएसु बहवे हंसासणाई कोंचासणाई गरुलासणाई उपणयासणाई पणयासणाई दीहासणाई भद्दासणाई पक्खासणाई मगरासणाई उसभासणाई सीहासणाई पउमासणाई दिसासोवत्थियासणाई सव्वरयणामयाइं अच्छाई सण्हाइं लण्हाई घटाई मट्ठाई णीरयाई णिम्मलाई निप्पकाई निकंकडच्छायाइं सप्पभाई सम्मिरीयाई सउज्जोयाई पासादीयाई दरिसणिज्जाइं अभिरुवाइं पडिरूवाइं॥ तस्स णं वणसंडस्स तत्थ तत्थ देसे २ तहिं तहिं बहवे आलिघरा मालिघरा कयलिघरा लयाघरा अच्छणघरा पेच्छणघरा मलणघरगा पसाहणघरगा गम्भघरगा मोहणघरगा सालघरगा जालघरगा कुसमघरगा चित्तघरगा गंधव्वघरगा आयंसघरगा सव्वरयणामया अच्छा सण्हा लण्हा घट्ठा मट्ठा णीरया णिम्मला णिप्पंका निकंकडच्छाया सप्पभा सम्मिरीया सउज्जोया पासादीया दुरिसणिज्जा अभिरूवा पडिरूवा ॥ तेसु णं आलिघरएसु जाव आयंसघरएसु बहूई हंसासणाइं जाव दिसासोवत्थियासणाई सव्वरयणामयाई जाव पडिरूवाइं॥ तस्स णं वणसंडस्स तत्थ तत्थ देसे २ तहिं
॥१९६॥
