________________
श्रीउपदेशपदे
॥ १८ ॥
माइ ! गहिया रक्ख करिरक्खसा इमं तुरियं । चिंतियमण्णं तु मए विहिणा अन्नं समादत्तं ॥ ४१९ ॥ तत्तो कुमरे - णावि य करुणारसपरवसंतकरणेण । अभिधाविऊण पुरओ सधीरमुक्कोसिओ हत्थी ॥ ४२० ॥ रे दुट्ठ करिण्णाहम ! कुजाय ! संभंतजुवइगहणेण । निक्किव ! निययस्सवि किं न लज्जिओ थूलकायस्स १ ॥ ४२१ ॥ अइदुब्बलाइ ! निग्घिण ! सरणविहीणाइ निरवराहाए । एयाइ मारणाओ जहत्थनामासि मायंगो ! ॥ ४२२ ॥ सावभत्तणधीरसद्द पडिसद्दभरियनहविवरं । सुणिऊण कुमरहकं तस्साभिमुहं पलोएइ ॥ ४२३ ॥ तं बालं मुत्तूर्णं रोसारुणनयणजुयलदुप्पेच्छो । धावइ कुमराभिमुहं तबयणुक्कोविओ हत्थी ॥ ४२४ ॥ तडवियकन्नजुयलो गहीरसुक्कारभरियनहविवरो । दीहपसारियहत्थो कुमराणुवण सो लग्गो ॥ ४२५ ॥ कुमरोवि तस्स पुरओ ईसीसि वलंतकंधरो धाइ । करपजंत निवेसियनियपाणिविदिनपच्चासो ॥ ४२६ ॥ कमजणिय कुमारग्गलगइपयपसरंत कोवबहुवेगो । एसेस पाविओ इय मईए सो धावइ गईदो ॥ ४२७ ॥ विवरीयभमणवसओ कुमरेणावि य समं तहा नीओ। चित्तलिहिओघ जाओ खणेण सो मत्तमायंगो ॥४२८॥ उवलद्धनिसिय अंकुसहत्थो करिकंधरं समारूढो । कुमरो नीलुप्पललोयणाहिं महिलाहिं दीसंतो ॥४२९|| तह महुराहिं गिराहिं पण्णत्तो सो करी जहा रोसो । तस्सोसरिओ आलाणखंभलीणो च सो विहिओ ॥ ४३० ॥ उच्छलिओ जयसद्दो अहो परकमनिही इमो कुमरो । जेण जियाण दुहत्ताण ताणकरणम्मि पगुणमणो ॥ ४३१ ॥ कहमवि तन्नगरपहू राया अरिदमणनामगोतम्मि । समए समागओ नियइ कुमरवुत्तं तमियरूवं ॥ ४३२ ॥ विम्हियमणो य पुच्छर को एसो कस्स निवइणो पुत्तो ? । तत्तो तबइयरजाणगेण सचिवेण सो कहिओ ॥ ४३३ ॥ निहिलाभाओ समहियमाणंदमपुबभागओ
१ चोलक - | निदर्शनम्.
॥ १८ ॥
