Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 904

परिसमत्ती]
सुत्तागमे
८२९
॥३१० ॥ अट्ठारसवासपरियागस्स समणस्स णिग्गंथस्स कप्पइ दिट्ठीविसभावणा णामं अज्झयणे उद्दिसित्तए ॥ ३११॥ एगूणवीसवासपरियाए कप्पइ दिट्ठिवाए णाम अंगे उद्दिसित्तए ॥ ३१२ ॥ वीसवासपरियाए समणे णिग्गंथे सव्वसुयाणुवाई भवइ ॥ ३१३ ॥ दसविहे वेयावच्चे पण्णत्ते, तंजहा-आयरियवेयावच्चे उवज्झायवेयावच्चे थेरवेयावच्चे सेहवेयावच्चे गिलाणवेयावच्चे तवस्सिवेयावच्चे साहम्मियवेयावच्चे कुलवेयावच्चे गणवेयावच्चे संघवेयावच्चे ॥ ३१४ ॥ आयरियवेयावच्चं करेमाणे समणे णिग्गंथे महाणिज्जरे महापज्जवसाणे भवइ ॥ ३१५ ॥ उवज्झायवेयावच्चं करेमाणे समणे णिग्गंथे महाणिजरे महापज्जवसाणे भवइ ॥ ३१६ ॥ थेरवेयावच्चं करेमाणे समणे णिग्गंथे महाणिज्जरे महापज्जवसाणे भवइ ॥ ३१७ ॥ तवस्सिवेयावच्चं करेमाणे समणे णिग्गंथे महाणिजरे महापजवसाणे भवइ ॥ ३१८ ॥ सेहवेयावच्चं करेमाणे समणे णिग्गंथे महाणिज्जरे महापजवसाणे भवइ ॥ ३१९ ॥ गिलाणवेयावच्चं करेमाणे समणे णिग्गंथे महाणिजरे महापज्जवसाणे भवइ ॥ ३२० ॥ साहम्मियवेयावच्चं करेमाणे समणे णिग्गंथे महाणिजरे महापज्जवसाणे भवइ ॥ ३२१ ॥ कुलवेयावच्चं करेमाणे समणे णिग्गंथे महाणिजरे महापज्जवसाणे भवइ ॥ ३२२ ॥ गणवेयावच्चं करेमाणे समणे णिग्गंथे महाणिजरे महापज्जवसाणे भवइ ॥ ३२३ ॥ संघवेयावच्चं करेमाणे समणे णिग्गंथे महाणिज्जरे महापजवसाणे भवइ ॥ ३२४ ॥ त्ति-बेमि ॥ ववहारस्स दसमो उद्देसओ समत्तो ॥ १०॥ ववहारसुत्तं समत्तं ॥
YANKS