________________
८२४
सुत्तागमे
[ववहारो
चंदपडिमा, जवमज्झण्णं चंदपडिमं पडिवण्णस्स अणगारस्स निञ्च (मासं) वोसट्टकाए. चियत्तदेहे जे केइ परीसहो(उ)वसग्गा समु(उ)प्पज्जति दिव्वा वा माणुस्सगा वा तिरिक्खजोणिया वा(अणुलोमा वा...), ते (सव्वे) उप्पण्णे सम्मं स(हेजा)हइ खमइ तितिक्खेइ अहियासेइ ॥ २७२ ॥ जवमज्झण्णं चंदपडिमं पडिवण्णस्स अणगारस्स सुक्कपक्खस्स से पाडिवए कप्पइ एगा दत्ती भोयणस्स पडिगाहेत्तए एगा पाणस्स, (सव्वेहिं दुपयचउप्पयाइएहिं आहारकंखीहिं सत्तेहिं पडिणियत्तेहिं) अण्णायउंछं सुद्धोवहडं णिहित्ता बहवे समणमाहणअइहिकिवणवणीमगा, कप्पइ से एगस्स भुंजमाणस्स पडिगाहेत्तए, णो दोण्हं णो तिण्डं णो चउण्हं णो पंचण्हं, णो गुव्विणीए णो बालवत्थाए णो दारगं पेजमाणीए, णो (से कप्पइ) अंतो एलुयस्स दो वि पाए साहटु दलमाणीए, (पडिगाहित्तए अह पुण एवं जाणिजा) णो बाहिं एलुयस्स दो वि पाए साहटु दलमाणीए, एगं पायं अंतो किच्चा एगं पायं बाहिं किच्चा एलयं विक्खंभइत्ता (एयाए एसणाए एसमाणे लब्भेजा आहारे० एयाए एसणाए एसमाणे णो लब्भेजा णो आहारेजा) एवं दलयइ, एवं से कप्पइ पडिगाहेत्तए, एवं णो दलयइ, एवं से णो कप्पइ पडिगाहेत्तए, बिइजाए से कप्पइ दोण्णि दत्तीओ भोयणस्स पडिगाहेत्तए दोण्णि पाणस्स (सव्वेहि...), तइयाए से कप्पइ तिणि दत्तीओ भोयणस्स पडिगाहेत्तए तिण्णि पाणस्स, चउत्थीए से कप्पइ चउदत्तीओ भोयणस्स पडिगाहेत्तए चउपाणस्स, पंचमीए से कप्पइ पंचदत्तीओ भोयणस्स पडिगाहेत्तए पंचपाणस्स, छट्ठीए से कप्पइ छ दत्तीओ भोयणस्स पडिगाहेत्तए छ पाणस्स, सत्तमीए से कप्पइ सत्त दत्तीओ भोयणस्स पडिगाहेत्तए सत्त पाणस्स, अट्ठमीए से कप्पइ अट्ठ दत्तीओ भोयणस्स पडिगाहेत्तए अट्ठ पाणस्स, णवमीए से कप्पइ णव दत्तीओ भोयणस्स पडिगाहेत्तए णव पाणस्स, दसमीए से कप्पइ दस दत्तीओ भोयणस्स पडिगाहेत्तए दस पाणस्स, एगार(सी)समीए से कप्पइ एगारस दत्तीओ भोयणस्स पडिगाहेत्तए एगारस पाणस्स, बारसमीए से कप्पइ बारस दत्तीओ भोयणस्स पडिगाहेत्तए बारस पाणस्स, तेरसमीए से कप्पइ तेरस दत्तीओ भोयणस्स पडिगाहेत्तए तेरस पाणस्स, चोद्दसमीए से कप्पइ चोइस दत्तीओ भोयणस्स पडिगाहेत्तए चोद्दस पाणस्स, पण्णरसमी(पुण्णिमा)ए से कप्पइ पण्णरस दत्तीओ भोयणस्स पडिगाहेत्तए पण्णरस पाणस्स, बहुलपक्खस्स से पाडिवए कप्पंति चोइस (दत्तीओ भोयणस्स पडिगाहेत्तए चोद्दस पाणस्स सव्वेहिं दुप्पय जाव णो आहारेजा), बिइयाए कप्पइ तेरस दत्तीओ भोयणस्स पडिगाहेत्तए तेरस पाणस्स जाव णो आहारेज्जा, तइयाए कप्पइ बारस दत्तीओ भोयणस्स पडिगाहेत्तए बारस पाणस्स जाव णो आहारेज्जा, चउत्थीए
