Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 89

१४
सुत्तागमे [ओववाइयसुत्तं लेवणा भासुरबोंदी पलंबवणमालधरा। दिव्वेणं वण्णेणं दिव्वेणं गंधेणं दिव्येणं रूवेणं दिव्वेणं फासेणं दिव्वेणं संघाए(घयणे)णं दिव्वेणं संठाणेणं दिव्वाए इडीए दिव्वाए जुत्तीए दिव्वाए पभाए दिव्वाए छायाए दिव्वाए अच्चीए दिव्वेणं तेएणं दिव्वाए लेसाए दस दिसाओ उज्जोवेमाणा पभासेमाणा समणस्स भगवओ महावीरस्स अंतियं आगम्मागम्म रत्ता समणं भगवं महावीरं तिकावुत्तो आयाहिणं पयाहिणं करेंति २ ता वंदंति णमंसंति वंदित्ता णमंसित्ता णच्चासण्णे णाइदुरे मुस्सूसमाणा णमंसमाणा अभिमुहा विणएणं पंजलिउडा पजुवासंति ॥ २१ ॥ तेणं कालेणं तेणं समएणं समणस्स भगवओ महावीरस्त बहवे असुरिंदवज्जिया भवणवासी देवा अंतियं पाउब्भवित्था णागपइणो सुवण्णा विजू अग्गीया दीवा उदही दिसाकुमारा य पवण. थणिया य भवणवासी णागफडागरुलवयरपुण्णकलससीहहयगयमगरमउडवद्धमाणणिजुत्तविचित्तचिंधगया सुरूवा महिड्डिया सेसं तं चेव जाव पजुवासंति ॥ २२ ॥ तेणं कालेणं तेणं समएणं समणस्स भगवओ महावीरस्स बहवे वाणमंतरा देवा अंतियं पाउब्भवित्था पिसाया भूया य जक्खरक्खसकिनरकिंपुरिसभुयगवइणो य महाकाया गंधव्वणिकायगणा णिउणगंधव्वगीयरइणो अणपण्णियपणपणियइसिवादियभूयवादियकंदियमहाकंदिया य कुहंडपयए य देवा चंचलचवलचित्तकीलणदवप्पिया गंभीरहसियभणियपीयगीयणचणरई वणमालामेलमउडकुंडलमच्छंदविउवियाहरणचारुविभूसणधरा सव्वोउयसुरभिकुसुमसुरइयपलंबसोभतकंतवियसंतचित्तवणमालरइयवच्छा कामगमी कामरूवधारी णाणाविहवण्णरागवरवत्थचित्तचिलियणियंसणा विविहदेसीणेवत्थग्गहियवेसा पमुइयकंदप्पकलहकेलिकोलाहलम्पिया हासबोलबहुला अणेगमणिरयणविविहणिजुत्तविचित्तचिंधगया सुरूवा महिड्डिया जाव पजुवासंति ॥ २३ ॥ तेणं कालेणं तेणं समएणं समणस्स भगवओ महावीरस्स बहवे जोइसिया देवा अंतियं पाउब्भवित्था विहस्सई चंदसूरसुक्कसणिञ्चरा राहू धूमकेऊ बुहा य अंगारका य तत्ततवणिजकणगवण्णा जे य गहा जोइसंमि चारं चरति केऊ य गइरइया अट्ठावीसविहा य णक्खत्तदेवगणा णाणासंठाणसंठियाओ य पंचवण्णाओ ताराओ ठियलेस्सा चारिणो य अविस्साममंडलगई पत्तेयं णामंकपागडियचिंधमउडा महिड्डिया जाव पजुवासंति ॥ २४ ॥ तेणं कालेणं तेणं समएणं समणस्स भगवओ महावीरस्स वेमाणिया देवा अंतियं पाउब्भवित्था सोहम्मीसाणसणंकुमारमाहिंदबंभलतगमहामुक्कसहस्साराणयपाणयारणअच्चुयवई पहिट्ठा देवा जिणदंसणुस्सुयागमणजणियहासा पालगपुप्फगसोमणससिरिवच्छणंदियावत्तकामगमपीइगममणोगमविमलसव्वओभद्दणामधिजेहिं विमाणेहिं ओइण्णा वंदगा जिणिंदं । मिगमहिसवराहछगलदइरहयगयवइभुयगख