Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 844

बिइयऽज्झयणसमत्ती] सुत्तागमे णं से चेडगे राया सत्तावन्नाए दन्तिसहस्सेहिं जाव सत्तावन्नाए मणुस्सकोडीहिं सगडवूहं रएइ २ त्ता सगडवूहेणं रहमुसलं संगामं उवायाए । तए णं ते दोण्हवि राईणं अणीया संनद्ध० जाव गहियाउहपहरणा मंगइएहिं फलएहिं निकट्ठाहिं असीहिं अंसागएहिं तोणेहिं सजीवेहिं धणूहिं समुक्खित्तेहिं सरेहिं समुल्लालियाहिं डावाहिं ओसारियाहिं ऊरुघण्टाहिं छिप्पतूरेणं वजमाणेणं महया उक्किट्ठसीहनायबोलकलकलरवेणं समुद्दरवभूयं पिव करेमाणा सव्विड्डीए जाव रवेणं हयगया हयगएहिं गयगया गयगएहिं रहगया रहगएहिं पायत्तिया पायत्तिएहिं अन्नमन्नेहिं सद्धिं संपलग्गा यावि होत्था । तए णं ते दोण्हवि रायाणं अणीया नियगसामीसासणाणुरत्ता मह[या]न्तं जणक्खयं जणवहं जणप्पमई जणसंवट्टकप्पं नचन्तकबन्धवारभीमं रुहिरकद्दमं करेमाणा अन्नमन्नेणं सद्धिं जुज्झन्ति ॥ ७० ॥ तए णं से काले कुमारे तिहिं दन्तिसहस्सेहिं जाव मणूसकोडीहिं गरुलवूहेणं एकारसमेणं खन्धेणं कूणिएणं रन्ना सद्धिं रहमुसलं संगामं संगामेमाणे हयमहिय० जहा भगवया कालीए देवीए परिकहियं जाव जीवियाओ ववरोविए ॥ ७१ ॥ तं एयं खलु गोयमा ! काले कुमारे एरिसएहिं आरम्भेहिं जाव एरिसएणं असुभकडकम्मपन्भारेणं कालमासे कालं किच्चा चउत्थीए पङ्कप्पभाए पुढवीए हेमामे नरए नेरइयत्ताए उववन्ने ॥ ७२ ॥ काले णं भन्ते ! कुमारे चउत्थीए पुढवीए...अणन्तरं उव्वट्टित्ता कहिं गच्छिहिइ कहिं उववजिहिइ ? गोयमा ! महाविदेहे वासे जाइं कुलाइं भवन्ति अड्डाइं जहा दढपइन्नो जाव सिज्झिहिइ बुज्झिहिइ जाव अन्तं काहिइ ॥ ७३ ॥ तं एवं खलु जम्बू ! समणेणं भगवया जाव संपत्तेणं निरयावलियाणं पढमस्स अज्झयणस्स अयमढे पन्नत्ते-त्तिबेमि ॥ ७४ ॥ पढमं अज्झयणं समत्तं ॥ १ ॥ १॥
जइ णं भन्ते ! समणेणं जाव संपत्तेणं निरयावलियाणं पढमस्स अज्झयणस्स अयमढे पन्नत्ते, दोच्चस्स णं भन्ते ! अज्झयणस्स निरयावलियाणं समणेणं भगवया जाव संपत्तेणं के अढे पन्नत्ते ? एवं खलु जम्बू ! तेणं कालेणं तेणं समएणं चम्पा नामं नयरी होत्था । पुण्णभद्दे उज्जाणे । कूणिए राया । पउमावई देवी । तत्थ णं चम्पाए नयरीए सेणियस्स रन्नो भज्जा कूणियस्स रन्नो चुल्लमाउया सुकाली नामं देवी होत्था, सुकुमाल० । तीसे णं सुकालीए देवीए पुत्ते सुकाले नामं कुमारे होत्था, सुकुमाल० । तए. णं से सुकाले कुमारे अन्नया कयाइ तिहिं दन्तिसहस्सेहि जहा कालो कुमारो निरवसेसं तं चेव भाणियव्वं जाव महाविदेहे वासे...अन्तं काहिइ । निक्खेवो ॥ ७५ ॥ बीयं अज्झयणं समत्तं ॥ १ ॥२॥
४९ सुत्ता