Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 836

अ० १. कूणियनामकरणं]
सुत्तागमे
उज्झावित्तए, एवं संपेहेइ २ त्ता दासचेडिं सद्दावेइ २ त्ता एवं वयासी-गच्छ णं तुमं देवाणुप्पिए ! एवं दारगं एगते उक्कुरुडियाए उज्झाहि ॥ २८ ॥ तए णं सा दासचेडी चेल्लणाए देवीए एवं वुत्ता समाणी करयल० जाव चेल्लणाए देवीए एयमढे विणएणं पडिसुणेइ २ त्ता तं दारगं करयलपुडेणं गिण्हइ २ त्ता जेणेव असोगवणिया तेणेव उवागच्छइ २ त्ता तं दारगं एगन्ते उकुरुडियाए उज्झाइ । तए णं तेणं दारगेणं एगन्ते उक्कुरुडियाए उज्झिएणं समाणेणं सा असोगवणिया उज्जोविया यावि होत्था ॥ २९ ॥ तए णं से सेणिए राया इमीसे कहाए लढे समाणे जेणेव असोगवणिया तेणेव उवागच्छइ २ त्ता तं दारगं एगन्ते उकुरुडियाए उज्झियं पासेइ २ त्ता आसुरुत्ते जाव मिसिमिसेमाणे तं दारगं करयलपुडेणं गिण्हइ २ त्ता जेणेव चेल्लणा देवी तेणेव उवागच्छइ २ त्ता चेल्लणं देविं उच्चावयाहिं आओसणाहिं आओसइ २ त्ता उच्चावयाहिं निब्भच्छणाहिं निब्भच्छेइ एवं उद्धंसणाहिं उद्धंसेइ २ त्ता एवं वयासी-किस्स णं तुमं मम पुत्तं एगन्ते उक्कुरुडियाए उज्झावेसि ? त्तिकट्ट चेल्लणं देविं उच्चावयसवहसावियं करेइ २ त्ता एवं वयासी-तुमं. णं देवाणुप्पिए ! एयं दारगं अणुपुव्वेणं सारक्खमाणी संगोवेमाणी संवड्डेहि ॥ ३० ॥ तए णं सा चेल्लणा देवी सेणिएणं रन्ना एवं वुत्ता समाणी लजिया विलिया विड्डा करयलपरिग्गहियं० सेणियस्स रन्नो विणएणं एयमढे पडिसुणेइ २ त्ता तं दारगं अणुपुव्वेणं सारक्खमाणी संगोवेमाणी संवड्डेइ ॥ ३१ ॥ तए णं तस्स दारगस्स एगते उक्कुरुडियाए उज्झिजमाणस्स अग्गङ्गुलिया कुक्कुडपिच्छएणं दूमिया यावि होत्था, अभिक्खणं अभिक्खणं पूयं च सोणियं च अभिनिस्सवइ । तए णं से दारए वेयणाभिभूए समाणे महया महया सद्देणं आरसइ । तए णं सेणिए राया तस्स दारगस्स आरसियस इं सोचा निसम्म जेणेव से दारए तेणेव उवागच्छइ २ त्ता तं दारगं करयलपुडेणं गिण्हइ २ त्ता तं अग्गङ्गुलियं आसयंसि पक्खिवइ २ त्ता पूयं च सोणियं च आसएणं आमुसइ । तए णं से दारए निव्वुए निव्वेयणे तुसिणीए संचिठ्ठइ । जाहे वि य णं से दारए वेयणाए अभिभूए समाणे महया महया सद्देणं आरसइ ताहे वि य णं सेणिए राया जेणेव से दारए तेणेव उवागच्छइ २ त्ता तं दारगं करयलपुडेणं गिण्हइ तं चेव जाव निव्वेयणे तुसिणीए संचिठ्ठइ ॥ ३२ ॥ तए णं तस्स दारगस्स अम्मापियरो तइए दिवसे चन्दसूरदरिसणियं करेन्ति जाव संपत्ते बारसाहे दिवसे अयमेयारूवं गुणनिप्फन्नं नामधेनं करेन्ति-जम्हा णं अम्हं इमस्स दारगस्स एगन्ते उकुरुडियाए उज्झिजमाणस्स अङ्गुलिया कुक्कुडपिच्छएणं दूमिया तं होउ णं अम्हं इमस्स दारगस्स नामधेनं कूणिए २ । तए णं तस्स दार