Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 820

पा० १९ अंतो-मणुस्सखेत्तचंदाई ] सुत्तागमे
७४५ णक्खत्ताणं महग्गहाणं च । चारविसेसेण भवे सुहदुक्खविही मणुस्साणं ॥ २१ ॥ तेसिं पविसंताणं तावक्खेत्तं तु वड्डए णिययं । तेणेव कमेण पुणो परिहायइ णिक्खमंताणं ॥ २२ ॥ तेसिं कलंबुयापुप्फसंठिया हुँति तावखेत्तपहा। अंतो य संकुडा बाहि वित्थडा चंदसूराणं ॥ २३॥ केणं वड्डइ चंदो ? परिहाणी केण होइ चंदस्स? । कालो वा जोण्हो वा केणऽणुभावेण चंदस्स ॥ २४ ॥ किण्हं राहुविमाणं णिचं चंदेण होइ अविरहियं । चउरंगुलमसंपत्तं हिच्चा चंदस्स तं चरइ ॥२५॥ बावढेि २ दिवसे २ उ सुकपक्खस्स । जं परिवड्डइ चंदो खवेइ तं चेव कालेणं ॥२६॥ पण्णरसइभागेण य चंदं पण्णरसमेव तं वरइ । पण्णरसइभागेण य पुणोवि तं चेव वक्कमइ ॥ २७ ॥ एवं वड्डइ चंदो परिहाणी एव होइ चंदस्स। कालो वा जुण्हो वा एवऽणुभावेण चंदस्स ॥ २८ ॥ अंतो मणुस्सखेत्ते हवंति चारोवगा उ उववण्णा । पंचविहा जोइसिया चंदा सूरा गहगणा य ॥ २९ ॥ तेण परं जे सेसा चंदाइञ्चगहतारणक्खत्ता । णत्थि गई णवि चारो अवट्ठिया ते मुणेयव्वा ॥ ३० ॥ एवं जंबुद्दीवे दुगुणा लवणे चउग्गुणा हुँति । लावणगा य तिगुणिया ससिसूरा धायईसंडे ॥ ३१॥ दो चंदा इह दीवे चत्तारि य सायरे लवणतोए। धायइसंडे दीवे बारस चंदा य सूरा य ॥३२॥ धायइसंडप्पभिइसु उद्दिट्ठा तिगुणिया भवे चंदा । आइल्लचंदसहिया अणंतराणंतरे खेत्ते ॥ ३३ ॥ रिक्खग्गहतारग्गं दीवसमुद्दे जहिच्छसी णाउं । तस्ससीहिं तग्गुणियं रिक्खग्गहतारगग्गं तु ॥ ३४ ॥ बहिया उ माणुसणगस्स चंदसूराणऽवट्ठिया जोण्हा । चंदा अभीइजुत्ता सूरा पुण हुंति पुस्सेहिं ॥ ३५॥ चंदाओ सूरस्स य सूरा चंदस्स अंतरं होइ । पण्णाससहस्साइं तु जोयणाणं अणूणाई ॥३६ ॥ सूरस्स य २ ससिणो २ य अंतरं होइ । बाहिं तु माणुसणगस्स जोयणाणं सयसहस्सं ॥ ३७ ॥ सूरंतरिया चंदा चंदंतरिया य दिणयरा दित्ता । चित्तंतरलेसागा सुहलेसा मंदलेसा य ॥ ३८ ॥ अट्ठासीइं च गहा अट्ठावीसं च हुंति णक्खत्ता । एगससीपरिवारो एत्तो ताराण वोच्छामि ॥ ३९ ॥ छावट्ठिसहस्साई णव चेव सयाई पंचसयराइं। एगससीपरिवारो तारागणकोडिकोडीणं ॥४०॥ ता अंतो मणुस्सखेत्ते जे चंदिमसूरिया गहगणणक्खत्तताराख्वा ते णं देवा किं उड्डोववण्णगा कप्पोववण्णगा विमाणोववण्णगा चारोववण्णगा चारढ़िइया गइरइया गइसमावण्णगा ? ता ते णं देवा णो उड्डोववण्णगा णो कप्पोववण्णगा विमाणोववण्णगा चारोववण्णगा णो चारठिइया गइरइया गइसमावण्णगा उड्डामुहकलंबुयापुप्फसंठाणसंठिएहिं जोयणसाहस्सिएहिं तावक्खेत्तेहिं साहस्सिएहिं बाहिराहि य वेउब्वियाहिं परिसाहिं महया हयणट्टगीयवाइयतंतीतलतालतुडियघणमुइंगपडुप्पवाइयरवेणं महया उक्किट्ठिसीहणायकल