Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 80

कोणियवंदणं]
सुत्तागमे
सत्थनायगे पइट्ठावए समणगपई समणगविंदपरिअट्टए चउत्तीसजिणवयणाइसेसपत्ते पणतीससच्चवयणाइसेसपत्ते आगासगएणं चक्केणं आगासएणं छत्तेणं आगासियाहिं चामराहिं आगासफलिआमएणं सपायवीढेणं सीहासणेणं धम्मज्झएणं पुरओ पकढिजमाणेणं चउद्दसहिं समणसाहस्सीहिं छत्तीसाए अज्जियासाहस्सीहिं सद्धिं संपरिवुडे पुव्वाणुपुट्विं चरमाणे गामाणुग्गामं दूइज्जमाणे सुहंसुहेणं विहरमाणे चंपाए णयरीए वहिया उवणगरग्गामं उवागए चंप नगरिं पुण्णभदं उज्जाणं समोसरिउकामे ॥ ९॥ तए णं से पवित्तिवाउए इमीसे कहाए लढे समाणे हद्वतुट्ठचित्तमाणंदिए पीइमणे परमसोमणस्सिए हरिसवसविसप्पमाणहियए हाए सुद्धप्पवेसाई मंगलाई वत्थाई पवरपरिहिए अप्पमहग्घाभरणालंकियसरीरे सयाओ गिहाओ पडिणिक्खमइ सयाओ गिहाओ पडिणिक्खमित्ता चंपाए णयरीए मज्झमज्झेणं जेणेव कोणियस्स रण्णो गिहे जेणेव वाहिरिया उवट्ठाणसाला जेणेव कूणिए राया भंभसारपुत्ते तेणेव उवागच्छइ २ त्ता करयलपरिग्गहियं सिरसावत्तं मत्थए अंजलिं कट्टु जएणं विजएणं वद्धावेइ २ त्ता एवं वयासी-जस्स णं देवाणुप्पिया दंसणं कंखंति जस्स णं देवाणुप्पिया दसणं पीहंति जस्स णं देवाणुप्पिया दंसणं पत्थंति जस्स णं देवाणुप्पिया दंसणं अभिलसंति जस्स णं देवाणुप्पिया णामगोयस्सवि सवणयाए हट्ठतु जाव हियया भवंति, से णं समणे भगवं महावीरे पुव्वाणुपुट्विं चरमाणे गामाणुग्गामं दूइज्जमाणे चंपाए णयरीए उवणगरगामं उवागए चंपं णगरि पुण्णभई उजाणं समोसरिउकामे, तं एयं णं देवाणुप्पियाणं पियट्ठयाए पियं णिवेदेमि, पियं ते भवउ ॥ १० ॥ तए णं से कूणिए राया भंभसारपुत्ते तस्स पवित्तिवाउयस्स अंतिए एयमढं सोचा णिसम्म हट्ठतु जाव हियए वियसियवरकमलणयणवयणे पयलियवरकडगतुडियकेयूरमउडकुंडलहारविरायंतरइयवच्छे पालंबपलंबमाणघोलंतभूसणधरे ससंभमं तुरियं चवलं नरिंदे सीहासणाओ अब्भढेइ २ ता पायपीढाओ पच्चोरुहइ २ ता पाउयाओ ओमुयइ २ ता अवहट्ट पंच रायककुहाई तंजहा-खग्गं १ छत्तं २ उप्फेसं ३ वाहणाओ ४ वालवीयणं ५ एगसाडियं उत्तरासंगं करेइ २ त्ता आयंते चोक्खे परमसुइभूए अंजलिमउलियरगहत्थे तित्थगराभिमुहे सत्तट्ठ पयाइं अणुगच्छइ सत्तट्ठ पयाई अणुगच्छित्ता वामं जाणुं अंचेइ वामं जाणु अंचेत्ता दाहिणं जाणुं धरणितलंसि साहह तिक्ग्युत्तो मुद्धाणं धरणितलंसि निवेसेइ २ ता ईसिं पञ्चुण्णमइ पञ्चुण्णमित्ता कडगतुडियर्थभियाओ भुयाओ पडिसाहरइ २ त्ता करयल जाव कट्टु एवं वयासीणमोऽत्थु णं अरिहंताणं भगवंताणं आइगराणं तित्थगराणं सयंसंबुद्धाणं पुरिसुत्तमाणं पुरिससीहाणं पुरिसवरपुंडरीयाणं पुरिसवरगंधहत्थीणं लोगुत्तमाणं लोगनाहाणं