________________
७२४ सुत्तागमे
[चंदपण्णत्ती च सत्तट्ठिहा छेत्ता पण्णहिँ चुण्णियाभागे उवाइणावेत्ता पुणरवि से णं चंदे तेणं चेव णक्खत्तेणं जोयं जोएइ अण्णंसि देसंसि, ता जेणं अजणक्खत्तेणं चंदे जोयं जोएइ जसि देसंसि से णं इमाई चउप्पण्णमुहुत्तसहस्साइं णव य मुहुत्तसयाई उवाइणावेत्ता पुणरवि से चंदे अण्णेणं तारिसएणं चेव. जोयं जोएइ तंसि देसंसि, ता जेणं अजणक्खत्तेणं चंदे जोयं जोएइ जंसि देसंसि से णं इमाइं एगं लक्खं णव य सहस्से अट्ठ य मुहुत्तसए उवाइणावेत्ता पुणरवि से चंदे तेणं चेव णक्खत्तेणं जोयं जोएइ तसि देसंसि, ता जेणं अजणक्खत्तणं सूरे जोयं जोएइ जंसि देसंसि से णं इमाइं तिण्णि छावट्ठाई राइंदियसयाइं उवाइणावेत्ता पुणरवि से सूरिए अण्णेणं तारिसएणं चेव णक्खत्तणं जोयं जोएइ तंसि देसंसि, ता जेणं अजणक्खत्तेणं सूरे जोयं जोएइ तंसि देसंसि से णं इमाई सत्तदुवीसं राइंदियसयाइं उवाइणावेत्ता पुणरवि से सूरे तेणं चेव णक्खत्तेणं जोयं जोएइ तंसि देसंसि, ता जेणं अजणक्खत्तेणं सूरे जोयं जोएइ जंसि देसंसि से णं इमाइं अट्ठारस वीसाइं राइंदियसयाइं उवाइणावेत्ता पुणरवि से सूरे अण्णेणं चेव णक्खत्तेणं जोयं जोएइ तंसि देसंसि, ता जेणं अजणक्खत्तेणं सूरे जोयं जोएइ जंसि देसंसि तेणं इमाइं छत्तीसं सट्ठाइं राइंदियसयाई उवाइणावेत्ता पुणरवि से सूरे तेणं चेव णक्खत्तेणं जोयं जोएइ तंसि देसंसि ॥ ६७ ॥ ता जया णं इमे चंदे गइसमावण्णए भवइ तया णं इयरेवि चंदे गइसमावण्णए भवइ, जया णं इयरे चंदे गइसमावण्णए भवइ तया णं इमेवि चंदे गइसमावण्णए भवइ, ता जया णं इमे सूरिए गइसमावण्णे भवइ तया णं इयरेवि सूरिए गइसमावण्णे भवइ, जया णं इयरे सूरिए गइसमावण्णे भवइ तया णं इमेवि सूरिए गइसमावण्णे भवइ, एवं गहेवि णक्खत्तेवि, ता जया णं इमे चंदे जुत्ते जोगेणं भवइ तया णं इयरेवि चंदे जुत्ते जोगेणं भवइ, जया णं इयरे चंदे जुत्ते जोगेणं भवइ तया णं इमेवि चंदे - जुत्ते जोगेणं भवइ, एवं सूरेवि गहेवि णक्खत्तेवि, सयावि णं चंदा जुत्ता जोगेहिं सयावि णं सूरा जुत्ता जोगेहिं सयावि णं गहा जुत्ता जोगेहिं सयावि णं णक्खत्ता जुत्ता जोगेहिं दुहओवि णं चंदा जुत्ता जोगेहिं दुहओवि णं सूरा जुत्ता जोगेहिं दुहओवि णं गहा जुत्ता जोगेहिं दुहओवि णं णक्खत्ता जुत्ता जोगेहि, मंडलं सयसहस्सेणं अट्ठाणउयाए सएहिं छेत्ता । इच्चेस णक्खत्ते खेत्तपरिभागे णक्खत्तविजए पाहुडेति आहिएत्ति-बेमि ॥ ६८ ॥ दसमस्स पाहुडस्स बावीसइमं पाहुडपाहुडं समत्तं ॥ १०-२२ ॥ दसमं पाहुडं समत्तं ॥ १०॥
ता कहं ते संवच्छराणाई आहिएति वएजा ? तत्थ खलु इमे पंच संवच्छरा पण्णत्ता, तंजहा-चंदे २ अभिवड्डिए चंदे अभिवड्डिए, ता एएसि णं पंचण्हं संवच्छ
