________________
७०४
सुत्तागमे
[चंदपण्णत्ती
पुणव्वसू उत्तराफरगुणी विसाहा उत्तरासाढा ॥ ३१ ॥ ता एएसि णं अट्ठावीसाए णक्खत्ताणं अस्थि णक्खत्ते जे णं चत्तारि अहोरत्ते छच्च मुहुत्ते सूरिएण सद्धिं जोयं जोएइ, अत्थि णक्खत्ता जे णं छ अहोरत्ते एकवीसं च मुहुत्ते सूरिएण सद्धिं जोयं जोएंति, अत्थि णक्खत्ता जे णं तेरस अहोरत्ते बारस य मुहुत्ते सूरेण सद्धिं जोयं जोएंति, अत्थि णक्खत्ता जे णं वीसं अहोरत्ते तिण्णि य मुहुत्ते सूरेण सद्धिं जोयं जोएंति, ता एएसि णं अट्ठावीसाए णक्खत्ताणं कयरे णक्खत्ते जे णं चत्तारि अहोरत्ते छ्च मुहुत्ते सूरेण सद्धिं जोयं जोएइ, कयरे णक्खत्ता जे णं छ अहोरत्ते एकवीसमुहुत्ते सूरेण सद्धिं जोयं जोएंति, कयरे णक्खत्ता जे णं तेरस अहोरत्ते बारस मुहुत्ते. सूरेण सद्धिं जोयं जोएंति, कयरे णक्खत्ता जे णं वीसं अहोरत्ते तिण्णि य मुहुत्ते सूरेण सद्धिं जोयं जोएंति, ता एएसि णं अट्ठावीसाए णक्खत्ताणं तत्थ जे से णक्खत्ते जे णं चत्तारि अहोरत्ते छच मुहुत्ते सूरेण सद्धिं जोयं जोएइ से णं एगे अभीई, तत्थ जे ते णक्खत्ता जे णं छ अहोरत्ते एकवीसं च मुहुत्ते सूरिएण सद्धिं जोयं जोएंति ते णं छ, तंजहा-सयभिसया भरणी अद्दा अस्सेसा साई जेट्ठा, तत्थ जे ते.. तेरस अहोरत्ते दुवालस य मुहुत्ते सूरिएण सद्धिं जोयं जोएंति ते णं पण्णरस, तंजहासवणो धणिट्ठा पुव्वाभदवया रेवई अस्सिणी कत्तिया मिगसिरं पूसो महा पुव्वाफगुणी हत्थो चित्ता अणुराहा मूलो पुव्वासाढा, तत्थ जे ते णक्खत्ता जे णं वीसं अहोरत्ते तिणि य मुहुत्ते सूरेण सद्धिं जोयं जोएंति ते णं छ, तंजहा-उत्तराभवया रोहिणी पुणव्वसू उत्तराफग्गुणी विसाहा उत्तरासाढा ॥ ३२ ॥ दसमस्स पाहुडस्स बिइयं पाहुडपाहुडं समत्तं ॥ १०-२॥
ता कहं ते एवंभागा आहिताति वएजा ? ता एएसि णं अट्ठावीसाए णक्खत्ताणं अत्थि णक्खत्ता पुव्वंभागा समक्खेत्ता तीसइमुहुत्ता प०, अत्थि णक्खत्ता पच्छंभागा समक्खेत्ता तीसइमुहुत्ता प०, अत्थि णक्खत्ता णत्तंभागा अवड्ढक्खेत्ता पण्णरसमुहुत्ता प०, अत्थि णक्खत्ता उभयंभागा दिवडक्खेत्ता पणयालीसं मुहुत्ता प०, ता एएसि णं अट्ठावीसाए णक्खत्ताणं कयरे णक्खत्ता० पुव्वंभागा समक्खेत्ता तीसइमहत्ता प० जाव कयरे णक्खत्ता० उभयंभागा दिवदुक्खेत्ता पणयालीसइमुहुत्ता प०? ता एएसि णं अट्ठावीसाए णक्खत्ताणं तत्थ जे ते णक्खत्ता पुव्वंभागा समक्खेत्ता तीसइमुहुत्ता प० ते णं छ, तंजहा-पुव्वापोट्ठवया कत्तिया महा पुव्वाफग्गुणी मूलो पुव्वासाढा, तत्थ जे ते णक्खत्ता. पच्छंभागा समक्खेत्ता तीसइमुहुत्ता प० ते णं दस, तंजहाअभिई सवणो धणिट्ठा रेवई अस्सिणी मिगसिरं पूसो हत्थो चित्ता अणुराहा, तत्थ जे ते णक्खत्ता० णत्तंभागा अवडक्खेत्ता पण्णरसमुहुत्ता प० ते णं छ, तंजहा
