________________
सुत्तागमे
[ जंबुद्दीवपण्णत्ती
गो० ! एवं बुच्चइ — चुल्लहिमवन्ते वासहरपव्वए २, अदुत्तरं च णं गो० ! चुल्लहिमवन्तस्स॰ सासए णामधेजे पण्णत्ते जं ण कयाइ णासि० ॥ ७५ ॥ कहि णं भन्ते ! जंबुद्दीवे दीवे हेमवए णामं वासे प० ? गो० ! महाहिमवन्तस्स वासहरपव्वयस्स दक्खिणेणं चुल्लहिमवन्तस्स वासहरपव्वयस्स उत्तरेणं पुरत्थिमलवणसमुद्दस्स पच्च त्थिमेणं पञ्चत्थिमलवणसमुहस्स पुरत्थिमेणं एत्थ णं जंबुद्दीवे दीवे हेमवए णामं वासे पण्णत्ते, पाईणपडीणायए उदीणदाहिणविच्छिण्णे पलियंकसंठाणसंठिए दुहा लवणसमुद्दं पुट्ठे पुरत्थिमिल्लाए कोडीए पुरत्थिमिलं लवणसमुद्दं पुट्ठे पच्चत्थिमिल्लाए कोडीए पञ्चत्थिमिल्लं लवणसमुद्दं पुट्ठे दोणि जोयणसहस्साई एगं च पंचुत्तरं जोयणसयं पंच य एगूणवीसइभाए जोयणस्स विक्खंभेणं, तस्स बाहा पुरत्थिमपञ्च्चत्थिमेणं छज्जोयणसहस्साइं सत्त य पणपणे जोयणसए तिणि य एगूणवीसइभाए जोयणस्स आयामेणं, तस्स जीवा उत्तरेणं पाईणपडीणायया दुहओ लवणसमुद्दं पुट्ठा पुरत्थिमिल्लाए कोडीए पुरथिमिलं लवणसमुद्दे पुट्ठा पच्चत्थिमिल्लाए जाव पुट्ठा सत्ततीसं जोयणसहस्साइं छच्च चउवत्तरे जोयणसए सोलस य एगुणवीसइभाए जोयणस्स किंचिविसेसुणे आयामेणं, तस्स धणुं दाहिणेणं अट्ठतीसं जोयणसहस्साइं सत्त य चत्ताले जोयणसए दस य एगूणवीसइभाए जोयणस्स परिक्खेवेणं, हेमवयस्स णं भन्ते! वासस्स केरिसए आयारभावपडोयारे पण्णत्ते ? गो० ! बहुसमर मणिजे भूमिभागे पण्णत्ते, एवं तइयसमाणुभावो यव्वोत्ति ॥ ७६ ॥ कहि णं भन्ते ! हेमवए वासे सद्दावई णामं वट्टवेयडुपव्वए पण्णत्ते ? गोयमा ! रोहियाए महाणईए पञ्चच्छिमेणं रोहियंसाए महाणईए पुरत्थिमेणं हेमवयवासस्स बहुमज्झदेसभाए एत्थ णं सद्दावई णामं वट्टवेयढपव्वए पण्णत्ते एगं जोयणसहस्सं उड्डुं उच्चत्तेणं अड्ढाइज्जाईं जोयणसयाइं उव्वेहेणं सव्वत्थसमे पल्लगसंठाणसंठिए एगं जोयणसहस्सं आयाम विक्खंभेणं तिण्णि जोयणसहस्साई एगं च बावद्वं जोयणसयं किंचिविसेसा - हियं परिक्खेवेणं पण्णत्ते, सव्वरयणामए अच्छे ०, से णं एगाए पउमवर वेश्याए एगेण य वणसंडेणं सव्वओ समंता संपरिक्खित्ते, वेइयावणसंडवण्णओ भाणियव्वो, सद्दावइस्स णं वट्टवेयढपव्वयस्स उवरिं बहुसमरमणिजे भूमिभागे पण्णत्ते, तस्स णं बहुसमरमणिजस्स भूमिभागस्स बहुमज्झदेसभाए एत्थ णं महं एगे पासायवडेंसए पणत्ते बावहिं जोयणाई अद्धजोयणं च उडूं उच्चत्तेणं इकतीसं जोयणाई कोसं च आयामविक्खंभेणं जाव सीहासणं सपरिवारं, से केणट्टेणं भंते! एवं वुच्चइ - सद्दावई वट्टवेयढपव्वए २ ? गोयमा ! सद्दावइवट्टवेयढपव्वए णं खुड्डाखुड्डियासु वावीसु जाव बिलपंतियासु बहवे उप्पलाई पउमाई सद्दावइप्पभाई सद्दावइवण्णाई सद्दावइवण्णाभाई
५९८
