Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 651

सुत्तागमे
५७६
[जंबुद्दीवपण्णत्ती पढें विसिट्टपर्ट एणीजाणुण्णयवित्थयथद्धपढें वित्तलयकसणिवायअंकेल्लणपहारपरिवजियंग तवणिज्जथासगाहिलाणं वरकणगसुफुल्लथासगविचित्तरयणरजुपासं कंचणमणिकणगपयरगणाणाविहघंटियाजालमुत्तियाजालएहिं परिमंडिएणं पढेण सोभमाणेण सोभमाणं कक्केयणइंदणीलमरगयमसारगल्लमुहमंडणरइयं आविद्धमाणिक्कसुत्तगविभूसियं कणगामयपउमसुकयतिलयं देवमइविगप्पियं सुरवरिंदवाहणजोग्गावयं सुरूवं दूइज्जमाणपंचचारुचामरामेलगं धरेंतं अणब्भवाहं अभेलणयणं कोकासियबहलपत्तलच्छं सयावरणणवकणगतवियतवणिज्जतालुजीहासयं सिरिआभिसेयघोणं पोक्खरपत्तमिव सलिलबिंदुजुयं अचंचलं चंचलसरीरं चोक्खचरगपरिव्वायगो विव हिलीयमाणं २ खुरचलणचच्चपुडेहिं धरणियलं अभिहणमाणं २ दोवि य चलणे जमगसमगं मुहाओ विणिग्गमंत व सिग्घयाए मुणालतंतुउदगमवि णिस्साए पक्कमंतं जाइकुलरूवपच्चयपसत्थबारसावत्तगविसुद्धलक्खणं सुकुलप्पसूर्य मेहाविभद्दयविणीयं अणुयतणुयसुकुमाललोमणिद्धच्छविं सुजायअमरमणपवणगरुलजइणचवलसिग्घगामि इसिमिव खंतिखमए सुसीसमिव पञ्चक्खयाविणीयं उदगहुयवहपासाणपंसुकद्दमससक्करसवालुइल्लतडकडगविसमपब्भारगिरिदरीसुलंघणपिल्लणणित्थारणासमत्थं अचंडपाडियं दंडयाइं अणंसुपाइं अकालतालुं च कालहेसि जियणि इंगवेसगं जियपरिसहं जच्चजाईयं मल्लिहाणं सुगपत्तसुवण्णकोमलं मणाभिरामं कमलामेलं णामेणं आसरयणं सेणावई कमेण समभिरूढे कुवलयदलसामलं च रयणियरमंडलणिभं सत्तुजणविणासणं कणगरयणदंडं णवमालियपुप्फसुरहिगंधिं णाणामणिलयभत्तिचित्तं च पहोयमिसिमिसिंततिक्खधारं दिव्वं खग्गरयणं लोए अणोवमाणं तं च पुणो वंसरुक्खसिंगट्ठिदंतकालायसविउललोहदंडयवरवइरमेयगं जाव सव्वत्थअप्पडियं किं पुण देहेसु जंगमाणं गाहा-पण्णासंगुलदीहो सोलस से अंगुलाई विच्छिण्णो । अद्धंगुलसोणीको जेठुपमाणो असी भणिओ ॥ १॥ असिरयणं णरवइस्स हत्थाओ तं गहिऊण जेणेव आवाडचिलाया तेणेव उवागच्छइ २ त्ता आवाडचिलाएहिं सद्धिं संपलग्गे यावि होत्था। तए णं से सुसेणे सेणावई ते आवाडचिलाए हयमहियपवरवीरघाइय जाव दिसोदिसिं पडिसेहेइ ॥ ५७ ॥ तए णं ते आवाडचिगया सुसेणसेणावइणा हयमहिय जाव पडिसेहिया समाणा भीया तत्था वहिया उव्विग्गा संजायभया अत्थामा अबला अवीरिया अपुरिसक्कारपरकमा अधारणिज्जमितिकडु अणेगाइं जोयणाई अवक्कमंति २ त्ता एगयओ मिलायंति २ त्ता जेणेव सिंधू महाणई तेणेव उवागच्छंति २ त्ता वालुयासंथारए संथरेंति २ त्ता वालयासंथारए दुरूहंति २ त्ता अट्ठमभत्ताई पगिण्हंति २ त्ता वालुयासंथारोवगया उत्ताणगा अवसणा अट्ठमभत्तिया जे तेसिं कुलदेवया मेहमुहा णामं णागकु