Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 637

५६२
सुत्तागमे
[ जंबुद्दीवपण्णत्ती
मणणिव्वुइकरे अक्खोभे सागरो व थिमिए धणवइव्व भोगसमुदय सद्दव्वयाए समरे अपराइए परमविक्कमगुणे अमरवइसमाणसरिसरूवे मणुयवई भरहचक्कवट्टी भरहं भुंजइ पण्णट्ठसत्तू ॥ ४२ ॥ तए णं तस्स भरहस्स रण्णो अण्णया कयाइ आउहघरसालाए दिव्वे चक्करयणे समुप्पजित्था, तए णं से आउहघरिए भरहस्स रण्णो आउहघरसालाए दिव्वं चक्करयणं समुप्पण्णं पासइ पासित्ता हतुट्ठचित्तमाणंदिए दिए पीइमणे परमसोमस्सिए हरिसवस विसप्पमाणहियए आउहघरसालाओ पडिणिक्खमइ २ त्ता जेणामेव बाहिरिया उवट्ठाणसाला जेणामेव भरहे राया तेणामेव उवागच्छइ २ त्ता करयल जाव जणं विजएणं वद्धावेइ २ त्ता एवं वयासी एवं खलु देवाणुप्पियाणं आउहघरसालाए दिव्वे चक्करयणे समुप्पण्णे तं एयण्णं देवाणुप्पियाणं पियट्टयाए पियं णिवेएमि पियं भे भवउ, तए णं से भरहे राया तस्स आउहघरियस्स अंतिए
महं सोचा णिसम्म हट्ठ जाव सोमणस्सिए वियसियवर कमलणयणवयणे तस्स आउहघरियस्स अहामालियं मउडवजं ओमोयं दलयइ २ त्ता विउलं जीवियारिहं पीइदाणं दलयइ २ त्ता सक्कारेइ सम्माणेइ स० २ त्ता पडिविसज्जेइ । तए णं से भरहे राया कोडुंबियपुरिसे सद्दावेइ २ ता एवं वयासी - खिप्पामेव भो देवाणुप्पिया ! विणीयं रायहाणिं साब्भंतरबाहिरियं आसियसंमज्जियसित्तसुइगरत्थंतरवीहियं मंचाइमंचकलियं णाणाविहरागवसणऊसियझयपडागाइपडागमंडियं लाउलोइयमहियं गोसीससरसरत्तचंदणकलसं चंदणघडसुकय जाव गंधुद्धयाभिरामं सुगंधवरगंधियं गंधवट्टिभूयं करेह कारवेह करेत्ता कारवेत्ता य एयमाणत्तियं पञ्चप्पिणह । तए णं ते कोडुंबिय - पुरिसा भरणं रण्णा एवं वृत्ता समाणा हट्ठ० करयल जाव एवं सामित्ति आणाए विणणं वयणं पडिसुति २ त्ता भरहस्स० अंतियाओ पडिणिक्खमति २ त्ता विणीयं रायहाणि जाव करेत्ता कारवेत्ता य तमाणत्तियं पञ्चप्पिणंति । तए णं से भरहे राया जेणेव मज्जणघरे तेणेव उवागच्छइ २ त्ता मज्जणघरं अणुपविसइ २ त्ता समुत्तजालाकुलाभिरामे विचित्तमणिरयणकुट्टिमतले रमणिज्जे ण्हाणमंडवंसि णाणामणिरयणभत्तिचित्तंसि ण्हाणपीढंसि सुहणिसण्णे सुहोदएहि गंधोदएहिं पुप्फोदएहिं सुद्धोदएहि य पुण्णे कल्लाणगपवरमज्जणविहीए मज्जिए तत्थ कोउयसएहिं बहुविहेहिं कल्लाणगपवरमज्जणावसाणे पम्हलसुकुमाल गंधकासाइयलूहियंगे सरससुरहिगोसीसचंदणाणुलित्तगत्ते अहयसुमहग्घदूसरयणसुसंकुडे सुइमालावण्णगविलेवणे. आविद्धमणिसुवण्णे कप्पियहारद्धहारतिसरियपालंबपलंबमाणकडि सुत्तसुकयसोहे पिणद्धगेविज्जगअंगुलिजगल लियगथललियकयाभरणे णाणामणिकडगतुडियथंभियभुए अहियसस्सिरीए कुंडल उज्जो - याणणे मउडदित्तसिरए हारोत्थयसुकयरइयवच्छे पालंबलंबमाणसुकयपडउत्तरिजे