________________
सुता
[ जंबुद्दीवपण्णत्ती
चउहिँ सागरोवमकोडाकोडीहिं काले वीइकंते अनंतेहिं वण्णपज्जवेहिं अणतेहिं गंधपज्जवेहिं अणंतेहिं रसपज्जवेहिं अणंतेहिं फासपज्जवेहिं अणंतेहिं संघयणपज्जवेहिं अणंतेहिं संठाणपज्जवेहिं अणंतेहिं उच्चत्तपज्जवेहिं अणंतेहिं आउपज्जवेहिं अणंतेहिं गुरुलहुपज्जवेहिं अणंतेहिं अगुरुलहुज्जवेहिं अनंतेहिं उट्ठाणकम्मबलवीरियपुरिसक्कारपरक्कमपज्जवेहिं अणंतगुणपरिहाणीए परिहायमाणे २ एत्थ णं सुसमा णामं समाकाले पडिवजिंसु समणाउसो !, जंबुद्दीवे णं भंते! दीवे इमीसे ओसप्पिणीए सुसमाए समाए उत्तमकट्ठपत्ताए भरहस्स वासस्स केरिसए आयारभावपडोयारे होत्था ? गोयमा ! बहुसमरमणिज्जे भूमिभागे होत्था, से जहाणामए-आलिंगपुक्खरेइ वा तं चेव जं सुसमसुसमाए पुव्ववण्णियं णवरं णाणत्तं - चउधणुसहस्समूसिया, एगे अट्ठावीसे पिट्टकरंडयसए, छट्ठभत्तस्स आहारट्ठे, चउसट्ठि राइंदियाई सारक्खंति, दो पलिओवमाई आऊ, सेसं तं चेव, तीसे णं समाए चउव्विहा मणुस्सा अणुसज्जित्था, तंजहा- एगा १ पउरजंघा २ कुसुमा ३ सुसमणा ४ ॥ २६ ॥ तीसे णं समाए तिहिं सागरोवमकोडाकोडीहिं काले वीइकंते अनंतेहिं वण्णपज्जवेहिं जाव अनंतगुणपरिहाणीए परिहायमाणी २ एत्थ णं सुसमदुस्समा णामं समा पडिवज्जिसु समणाउसो !, साणं समा तिहा विभज्जइ - पढमे तिभाए १ मज्झिमे तिभाए २ पच्छिमे तिभाए ३, जंबुद्दीवे णं भंते! दीवे इमीसे ओसप्पिणीए सुसमदुस्समाए समाए पढममज्झिमेसु तिभाएसु भरहस्स वासस्स केरिसए आयारभावपडोयारे पुच्छा, गोयमा ! बहुसमरमणिजे भूमिभागे होत्था, सो चेव गमो णेयव्वो णाणत्तं दो धणुसहस्साइं उ उच्चत्तेणं, तेसिं च मणुयाणं चउसट्ठिपिट्ठकरंडगा चउत्थभत्तस्स आहारट्ठे समुप्पज्जइ ठिई पलिओवमं एगूणा सीइं राइंदियाई सारक्खंति संगोवेंति जाव देवलोगपरिग्गहिया णं ते मणुया पण्णत्ता समणाउसो !, तीसे णं भंते ! समाए पच्छिमे तिभाए भरस्स वासस्स केरिसए आयारभाव पडोयारे होत्था ? गोयमा ! बहुसमरमणिज्जे भूमिभागे होत्था, से जहाणामए - आलिंगपुक्खरेइ वा जाव मणीहिं उवसोभिए, तं जहा - कित्तिमेहिं चेव अकित्तिमेहिं चेव, तीसे णं भंते ! समाए पच्छिमे तिभागे भर वासे मणुयाणं केरिसए आयारभावपडोयारे होत्था ? गोयमा ! तेसिं मणुयाणं छवि संघयणे छवि संठाणे बहूणि धणुसयाणि उड्नुं उच्चत्तेणं जहण्णेणं संखिज्जाणि वासाणि उक्कोसेणं असंखिजाणि वासाणि आउयं पालंति पालित्ता अप्पेगइया णिरयगामी अप्पेगइया तिरियगामी अप्पेगइया मणुस्सगामी अप्पेगइया देवगामी अप्पेगइया सिज्झंति जाव सव्वदुक्खाणमंत करेंति ॥ २७ ॥ तीसे णं समाए पच्छिमे तिभाए पलिओवमट्टभागावसेसे एत्थ णं इमे पण्णरस कुलगरा समुप्पजित्था, तंजहा - सुमई १
५५०
