________________
प० २३ उ० २ णाराय० णाम.]
सुत्तागमे
४९३
स्सस्स दो सत्तभागा पलिओवमस्स असंखेजइभागेणं ऊणया, उक्कोसेणं वीसं सागरोवमकोडाकोडीओ, वीसं वाससयाई अबाहा। तिरियगइनामए जहा नपुंसगवेयस्स। मणुयगइनामए पुच्छा। गो० ! जहन्नेणं सागरोवमस्स दिवढे सत्तभागं पलिओवमस्स असंखेजइभागेणं ऊणगं, उक्कोसेणं पण्णरस सागरोवमकोडाकोडीओ, पण्णरसवाससयाई अबाहा । देवगइनामए णं पुच्छा । गोयमा ! जहन्नेणं सागरोवमसहस्सस्स एगं सत्तभागं पलिओवमस्स असंखेजइभागेणं ऊणयं, उक्कोसेणं जहा पुरिसवेयस्स । एगिदियजाइनामए णं पुच्छा । गोयमा ! जहन्नेणं सागरोवमस्स दोण्णि सत्तभागा पलिओवमस्स असंखेजइभागेणं ऊणया, उक्कोसेणं वीसं सागरोवमकोडाकोडीओ, वीसइ वाससयाइं अबाहा । बेइंदियजाइनामाए णं पुच्छा । गोयमा ! जहन्नेणं सागरोवमस्स नव पणतीसइभागा पलिओवमस्स असंखेजइभागेणं ऊणया, उक्कोसेणं अट्ठारस सागरोवमकोडाकोडीओ, अट्ठारस य वाससयाई अबाहा । तेइंदियजाइनामए णं जहण्णेणं एवं चेव, उक्कोसेणं अट्ठारस सागरोवमकोडाकोडीओ, अट्ठारस वाससयाइं अबाहा । चउरिंदियजाइनामाए पुच्छा । गोयमा ! जहन्नेणं सागरोवमस्स णव पणतीसइभागा पलिओवमस्स असंखेजइभागेणं ऊणया, उक्कोसेणं अट्ठारस सागरोवमकोडाकोडीओ, अट्ठारस वाससयाई अबाहा। पंचिंदियजाइनामाए पुच्छा । गोयमा ! जहन्नेणं सागरोवमस्स दोणि सत्तभागा पलिओवमस्स असंखेज्जइभागेणं ऊणया, उक्कोसेणं वीसं सागरोवमकोडाकोडीओ, वीस य वाससयाई अबाहा । ओरालियसरीरनामाए वि एवं चेव । वेउव्वियसरीरनामाए णं भंते ! पुच्छा । गोयमा ! जहन्नेणं सागरोवमसहस्सस्स दो सत्तभागा पलिओवमस्स असंखेज्जइभागेणं ऊणया, उक्कोसेणं वीसं सागरोवमकोडाकोडीओ, वीसइ वाससयाइं अबाहा । आहारगसरीरनामाए जहन्नेणं अंतोसागरोवमकोडाकोडीओ, उक्कोसेणं अंतोसागरोवमकोडाकोडीओ। तेयाकम्मसरीरनामाए जहण्णेणं दोण्णि सत्तभागा पलिओवमस्स असंखेजइभागेणं ऊणया, उक्कोसेणं वीसं सागरोवमकोडाकोडीओ, वीस य वाससयाइं अबाहा ।
ओरालियवेउव्वियआहारगसरीरोवंगनामाए तिण्णि वि एवं चेव, सरीरबंधणनामाए वि पंचण्ह वि एवं चेव, सरीरसंघायनामाए पंचण्ह वि जहा सरीरनामाए कम्मस्स ठिइत्ति, वइरोसभनारायसंघयणनामाए जहा रइनामाए । उसभनारायसंघयणनामाए पुच्छा । गोयमा ! ज० सागरोवमस्स छ पणतीसइभागा पलिओवमस्स असंखेजइभागेणं ऊणया, उकोसेणं बारस सागरोवमकोडाकोडीओ, बारस वाससयाई अबाहा । नारायसंघयणनामस्स जहन्नेणं सागरोवमस्स सत्त पणतीसइभागा पलिओवमस्स असंखेज्जइभागेणं ऊणया, उक्कोसेणं चोद्दस सागरोवमकोडाकोडीओ चउद्दस वाससयाई अबाहा ।
