________________
४६८
सुत्तागमे
[पण्णवणासुतं छसु वि । मणूसपंचिंदियओरालियसरीरे णं भंते ! किंसंठाणसंठिए पन्नत्ते ? गोयमा ! छव्विहसंठाणसंठिए पन्नत्ते । तंजहा-समचउरंसे जाव हुंडे, पजत्तापज्जत्ताण वि एवं चेव, गब्भवतियाण वि एवं चेव, पजत्तापजत्ताण वि एवं चेव । संमुच्छिमाणं पुच्छा। गोयमा ! हुंडसंठाणसंठिया पण्णत्ता ॥ ५७० ॥ ओरालियसरीरस्स णं भंते ! केमहालिया सरीरोगाहणा पन्नत्ता ? गोयमा ! जहण्णेणं अंगुलस्स असंखेजइभागं, उक्कोसेणं साइरेगं जोयणसहस्सं । एगिदियओरालियस्स वि एवं चेव जहा ओहियस्स । पुढविकाइयएगिंदियओरालियसरीरस्स णं भंते ! केमहालिया सरीरोगाहणा पन्नत्ता ? गोयमा ! जहन्नेण वि उक्कोसेण वि अंगुलस्स असंखेज्जइभागं, एवं अपजत्तयाण वि पजत्तयाण वि । एवं सुहुमाणं पजत्तापज्जत्ताणं, बायराणं पज्जत्तापजत्ताण वि । एवं एसो णवओ भेओ जहा पुढविक्काइयाणं तहा आउक्काइयाण वि तेउक्काइयाण वि वाउक्काइयाण वि । वणस्सइकाइयओरालियसरीरस्स णं भंते ! केमहालिया सरीरोगाहणा पन्नत्ता ? गोयमा ! जहन्नेणं अंगुलस्स असंखेजइभाग, उक्कोसेणं साइरेगं जोयणसहस्सं । अपज्जत्तगाणं जहन्नेण वि उक्कोसेण वि अंगुलस्स असंखेजइभागं, पजत्तगाणं जहन्नेणं अंगुलस्स असंखेज्जइभागं, उक्कोसेणं साइरेगं जोयणसहस्सं । बायराणं जहन्नेणं अंगुलस्स असंखेजइभागं, उक्कोसेणं साइरेगं जोयणसहस्स, पजत्ताण वि एवं चेव । अपजत्ताणं जहन्नेण वि उक्कोसेण वि अंगुलस्स असंखेजइभागं । सुहुमाणं पजत्तापजत्ताण य तिण्ह वि जहन्नेण वि उकोसेण वि अंगुलस्स असंखेजइभागं । बेइंदियओरालियसरीरस्स णं भंते ! केमहालिया सरीरोगाहणा पन्नत्ता ? गोयमा! जहन्नेणं अंगुलस्स असंखेजइभागं, उक्कोसेणं बारस जोयणाइं । एवं सव्वत्थ वि अपजत्तगाणं अंगुलस्स असंखेजइभागं जहण्णेण वि उक्कोसेण वि । पजत्तगाणं जहेव ओरालियस्स ओहियस्स । एवं तेइंदियाणं तिण्णि गाउयाई, चउरिंदियाणं चत्तारि गाउयाई, पंचिंदियतिरिक्खजोणियाणं उक्कोसेणं जोयणसहस्सं ३, एवं संमुच्छिमाणं ३, गब्भवकंतियाण वि ३, एवं चेव णवओ मेओ भाणियव्वो । एवं जलयराण वि जोयणसहस्सं णवओ भेओ, थलयराण वि णव भेया ९, उक्कोसेणं छ गाउया, पज्जत्तगाण वि एवं चेव, संमुच्छिमाणं पजत्तगाण य उक्कोसेणं गाउयपुहुत्तं ३, गब्भवभूतियाणं उक्कोसेणं छ गाउयाइं पजत्ताण य २, ओहियचउप्पयपज्जत्तगगब्भवकंतियपजत्तयाण वि उक्कोसेणं छ गाउयाइं । समुच्छिमाणं पज्जत्ताण य गाउयपुहुत्तं उक्कोसेणं, एवं उरपरिसप्पाण वि । ओहियगब्भवतियपजत्तगाणं जोयण सहस्सं, संमुच्छिमाणं पजत्ताण य जोयणपुहुत्तं, भुयपरिसप्पाणं ओहियगब्भवकंतियाण य उक्कोसेणं गाउयपुहुत्तं,
