________________
४४२
सुत्तागमे
[पण्णवणासुतं सुक्कलेसा, पम्हलेसा असंखेजगुणा, तेउलेसा असंखेजगुणा, तेउलेसाओ वेमाणियदेवीओ संखेजगुणाओ, तेउलेसा भवणवासी देवा असंखेजगुणा, तेउलेसाओ भवणवासिणीओ देवीओ संखेजगुणाओ, काउलेसा भवणवासी० असंखेजगुणा, नीललेसा विसेसाहिया, कण्हलेसा विसेसाहिया, काउलेसाओ भवणवासिणीओ० संखेजगुणाओ, नीललेसाओ विसेसाहियाओ, कण्हलेसाओ विसेसाहियाओ, तेउलेसा वाणमंतरा० संखेजगुणा, तेउलेसाओ वाणमंतरीओ० संखेजगुणाओ, काउलेसा वाणमंतरा० असंखेजगुणा, नीललेसा विसेसाहिया, कण्हलेसा विसेसाहिया, काउलेसाओ वाणमंतरीओ० संखेजगुणाओ, नीललेसाओ विसेसाहियाओ, कण्हलेसाओ विसेसाहियाओ, तेउलेसा जोइसिया० संखेज्जगुणा, तेउलेसाओ जोइसिणीओ० संखेजगुणाओ ॥ ४९६ ॥ एएसि णं भंते ! जीवाणं कण्हलेसाणं जाव सुक्कलेसाण य कयरे कयरेहिंतो अप्पड्डिया वा महड्डिया वा ? गोयमा ! कण्हलेसहिंतो नीललेसा महड्डिया, नीललेसेहिंतो काउलेसा महड्डिया, एवं काउलेसेहिंतो तेउलेसा महड्डिया, तेउलेसेहिंतो पम्हलेसा महड्डिया, पम्हलेसेहिंतो सुक्कलेसा महड्डिया, सव्वप्पड्डिया जीवा कण्हलेसा, सव्वमहडिया सुक्कलेसा ॥ ४९७ ॥ एएसि णं भंते ! नेरइयाणं कण्हलेसाणं नीललेसाणं काउलेसाण य कयरे कयरेहितो अप्पड्डिया वा महड्डिया वा? गोयमा ! कण्हलेसेहिंतो नीललेसा महड्डिया, नीललेसेहिंतो काउलेसा महड्डिया, सव्वप्पड्डिया नेरइया कण्हलेसा, सव्वमहड्डिया नेरइया काउलेसा ॥ ४९८ ॥ एएसि णं भंते ! तिरिक्खजोणियाणं कण्हलेसाणं जाव सुक्कलेसाण य कयरे कयरेहितो अप्पड्डिया वा महड्डिया वा ? गोयमा ! जहा जीवाणं । एएसि णं भंते ! एगिदियतिरिक्खजोणियाणं कण्हलेसाणं जाव तेउलेसाण य कयरे कयरेहिंतो अप्पड्डिया वा महड्डिया वा ? गोयमा ! कण्हलेसेहिंतो एगिदियतिरिक्खजोणिएहिंतो नीललेसा महड्डिया, नीललेसेहिंतो तिरिक्खजोणिएहिंतो काउलेसा महड्डिया, काउलेसेहितो तेउलेसा महड्डिया, सव्वप्पड्डिया एगेदियतिरिक्खजोणिया कण्हलेसा, सव्वमहड्डिया तेउलेसा । एवं पुढविकाइयाण वि । एवं एएणं अभिलावेणं जहेव लेस्साओ भावियाओ तहेव नेयव्वं जाव चउरिंदिया । पंचेंदियतिरिक्खजोणियाणं तिरिक्खजोणिणीणं संमुच्छिमाणं गब्भवकंतियाण य सव्वेसिं भाणियव्वं जाव अप्पड्डिया वेमाणिया देवा तेउलेसा, सव्वमहड्डिया वेमाणिया सुक्कलेसा । केई भणंति-चउवीसं दंडएणं इड्डी भाणियव्वा ॥४९९ ॥ पन्नवणाए भगवईए सत्तरसमे लेस्सापए बीओ उद्देसओ समत्तो॥
नेरइए णं भंते ! नेरइएसु उववजइ, अनेरइए नेरइएसु उचवज्जइ ? गोयमा !
