________________
पं० ३ दा० २७ महादंडयवण्णणं] सुत्तागमे
३३७ भाणियव्वा, एवं संखिजगुणकालगाण वि । एवं सेसावि वण्णा गंधा रसा फासा भाणियव्वा । फासाणं कक्खडमउयगुरुयलहुयाणं जहा एगपएसोगाढाणं भणियं तहा भाणियव्वं । अवसेसा फासा जहा वन्ना तहा भाणियव्वा ॥ २६ दारं ॥२१६॥ अह भंते ! सव्वजीवप्पबहुं महादण्डयं वन्नइस्सामि-सव्वत्थोवा गब्भवकंतिया मणुस्सा १, मणुस्सीओ संखिजगुणाओ २, बायरतेउकाइया पजत्तया असंखिजगुणा ३, अणुत्तरोववाइया देवा असंखिजगुणा ४, उवरिमगेविज्जगा देवा संखिजगुणा ५, मज्झिमगेविज्जगा देवा संखिजगुणा ६, हिटिमगेविजगा देवा संखिज्जगुणा ७, अच्चुए कप्पे देवा संखिजगुणा ८, आरणे कप्पे देवा संखिजगुणा ९, पाणए कप्पे देवा संखिजगुणा १०, आणए कप्पे देवा संखिजगुणा ११, अहेसत्तमाए पुढवीए नेरइया असंखिजगुणा १२, छट्ठीए तमाए पुढवीए नेरइया असंखिजगुणा १३, सहस्सारे कप्पे देवा असंखिजगुणा १४, महासुक्के कप्पे देवा असंखिज्जगुणा १५, पंचमाए धूमप्पभाए पुढवीए नेरइया असंखिजगुणा १६, लंतए कप्पे देवा असंखिजगुणा १७, चउत्थीए पंकप्पभाए पुढवीए नेरइया असंखिज्जगुणा १८, बंभलोए कप्पे देवा असंखिजगुणा १९, तच्चाए वालुयप्पभाए पुढवीए नेरइया असंखिजगुणा २०, माहिदे कप्पे देवा असंखिजगुणा २१, सणंकुमारे कप्पे देवा असंखिज्जगुणा २२, दोच्चाए सक्करप्पभाए पुढवीए नेरइया असंखिज्जगुणा २३, संमुच्छिमा मणुस्सा असंखिजगुणा २४, ईसाणे कप्पे देवा असंखिजगुणा २५, ईसाणे कप्पे देवीओ संखिज्जगुणाओ २६, सोहम्मे कप्पे देवा संखिजगुणा २७, सोहम्मे कप्पे देवीओ संखिजगुणाओ २८, भवणवासी देवा असंखिजगुणा २९, भवणवासिणीओ देवीओ संखिजगुणाओ ३०, इमीसे रयणप्पभाए पुढवीए नेरइया असंखिजगुणा ३१, खहयरपंचिंदियतिरिक्खजोणिया पुरिसा असंखिजगुणा ३२, खयरपंचिंदियतिरिक्खजोणिणीओ संखिजगुणाओ ३३, थलयरपंचिंदियतिरिक्खजोणिया पुरिसा संखिजगुणा ३४, थलयरपंचिंदियतिरिक्खजोणिणीओ संखिजगुणाओ ३५, जलयरपंचिंदियतिरिक्खजोणिया पुरिसा संखिजगुणा ३६, जलयरपंचिंदियतिरिक्खजोणिणीओ संखिजगुणाओ ३७, वाणमंतरा देवा संखिजगुणा ३८, वाणमंतरीओ देवीओ संखिजगुणाओ ३९, जोइसिया देवा संखिजगुणा ४०, जोइसिणीओ देवीओ संखिजगुणाओ ४१, खहयरपंचिंदियतिरिक्खजोणिया नपुंसगा संखिज्जगुणा ४२, थलयरपंचिंदियतिरिक्खजोणिया नपुंसगा संखिज्जगुणा ४३, जलयरपंचिंदियतिरिक्खजोणिया नपुंसगा संखिजगुणा ४४, चउरिंदिया पजत्तया संखिजगुणा ४५, पंचिंदिया पजत्तया
२२ सुत्ता०
