Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 363

२८८
सुत्तागमे ... [पण्णवणासुतं सजोगिकेवलिखीणकसायवीयरायदंसणारिया य । सेत्तं सजोगिकेवलिखीणकसायवीयरायदंसणारिया । से किं तं अजोगिकेवलिखीणकसायवीयरायदंसणारिया ? अजोगिकेवलिखीणकसायवीयरायदंसणारिया दुविहा पन्नत्ता । तंजहा-पढमसमयअजोगिकेवलिखीणकसायवीयरायदंसणारिया य अपढमसमयअजोगिकेवलिखीणकसायवीयरायदंसणारिया य । अहवा चरिमसमयअजोगिकेवलिखीणकसायवीयरायदंसणारिया य अचरिमसमयअजोगिकेवलिखीणकसायवीयरायदंसणारिया य । सेत्तं अजोगिकेवलिखीणकसायवीयरायदंसणारिया । सेत्तं केवलिखीणकसायवीयरायदंसणारिया । सेत्तं खीणकसायवीयरायदंसणारिया । सेत्तं दंसणारिया ॥ ७५ ॥ से किं तं चरित्तारिया ? चरित्तारिया दुविहा पन्नत्ता । तंजहा-सरागचरित्तारिया य वीयरागचरित्तारिया य । से किं तं सरागचरित्तारिया ? सरागचरित्तारिया दुविहा पन्नत्ता । तंजहा--सुहुमसंपरायसरागचरित्तारिया य बायरसंपरायसरागचरित्तारिया य । से किं तं सुहुमसंपरायसरागचरित्तारिया ? सुहुमसंपरायसरागचरित्तारिया दुविहा ‘पन्नत्ता। तंजहा--पढमसमयसुहुमसंपरायसरागचरित्तारिया य अपढमसमयसुहुमसंपरायसरागचरित्तारिया य । अहवा चरिमसमयसुहुमसंपरायसरागचरित्तारिया य अचरिमसमयसुहुमसंपरायसरागचरित्तारिया य । अहवा सुहुमसंपरायसरागचरित्तारिया दुविहा पन्नत्ता। तंजहा-संकिलिस्समाणा य विसुज्झमाणा य। सेत्तं सुहुमसंपरायसरागचरित्तारिया। से किं तं बायरसंपरायसरागचरित्तारिया ? बायरसंपरायसरागचरित्तारिया दुविहा पन्नत्ता । तंजहा-पढमसमयबायरसंपरायसरागचरित्तारिया य अपढमसमयबायरसंपरायसरागचरिस्तारिया य। अहवा चरिमसमयबायरसंपरायसरागचरित्तारिया य अचरिमसमयबायरसंपरायसरागचरित्तारिया य । अहवा बायरसंपरायसरागचरित्तारिया दुविहा पन्नत्ता । तंजहा-पडिवाई य अपडिवाई य। सेत्तं बायरसंपरायसरागचरित्तारिया ॥ ७६ ॥ से किं तं वीयरायचरित्तारिया ? वीयरायचरित्तारिया दुविहा पन्नता । तंजहा-उवसंतकसायवीयरायचरित्तारिया य खीणकसायवीयरायचरित्तारिया य । से किं तं उवसंतकसायवीयरायचरित्तारिया ? उवसंतकसायवीयरायचरित्तारिया दुविहा पन्नत्ता । तंजहा-पढमसमयउवसंतकसायवीयरायचरित्तारिया य अपढमसमयउवसंतकसायवीयरायचरित्तारिया य । अहवा चरिमसमयउवसंतकसायवीयरायचरित्तारिया य अचरिमसमयउपसंतकसायवीयरायचरित्तारिया य । सेक्तं उवसंतकसायवीयरायचरित्तारिया । से किं तं खीणकसायवीयरायचरित्तारिया.. खीणकसायवीयरायचरित्तारिया दुविहा पन्नता । तंजहाछउमत्थखीणकसाथवीयरायचरितारिया य केवलिखीणकसायवीयरायचरित्तारिया य।