________________
२७६
तागमे
[ पण्णवणासुतं
से किं तं वल्लीओ ? वल्लीओ अणेगविहाओ पन्नताओ । तंजहा-पूसफली कालिंगी तुंबी उसी य एलवालुंकी । घोसाडइ पंडोला पंचंगुलिया य णीली य ॥ १ ॥ कंड्या कडुइया कोडई कारियलई सुभगा । कुयधाय वागुलीया पा[व] वल्ली देवदाली य ॥ २ ॥ अप्फोया अइमुत्तगणागलया कण्हसूरवल्ली य । संघट्टसुमणसाव य जासुवणकुविंदवल्ली य ॥ ३ ॥ मुद्दिय अंबावली छीरविराली जयंति गोवाली । पाणीमासावल्ली गुंजावल्ली य वच्छाणी ॥ ४ ॥ ससबिंदुगोत्तफुसिया गिरिकण्णइ मालुया
अंजणई । दहिफोल कागणि मोगली य तह अक्कबोंदी य ॥ ५ ॥ जेयावन्ने तह - प्पगारा । सेत्तं वल्लीओ ॥ ३७ ॥ से किं तं पव्वगा ? पव्वगा अणेगविहा पन्नत्ता । तंजा - इक्खू य इक्खुवाडी वीरण तह इकडे भमासे य । सुंठे सरे य वेत्ते तिमिरे सयपोरगणले य ॥ १ ॥ वंसे वेल्लू कणए कंकावंसे य चाववंसे य । उदए कुडए विम कंडावेलू य कला ॥ २ ॥ जेयावन्ने तहप्पगारा । सेन्तं पव्वगा ॥ ३८ ॥ से किं तं तणा ? तणा अणेगविहा पन्नत्ता । तंजहा - सेडियभंतियहोंति यदब्भकुसे पव्वए य पोडइला । अज्जुण असाढए रोहियंसें सुयवेयखीरभुसे ॥ १ ॥ एरंडे कुरुविंदे करकर मुट्ठे तहा विभंगू य । महुरतणछुरयसिप्पिय बोद्धव्वे संकलितणे य ॥ २ ॥ जेयावन्ने तहपगारा । सेत्तं तणा ॥ ३९ ॥ से किं तं वलया ? वलया अणेगविहा पन्नत्ता । तंजहा— तालतमाले तक्कलि तोयलि साली य सारकलाणे । सरले जावइ केयइ कयली तह धम्मक्खे य ॥ १ ॥ भुयरक्खहिंगुस्क्खे लवंगरुक्खे य होइ बोद्धव्वे । पूयफली खज्जूरी बोद्धव्वा णालिएरी य ॥ २ ॥ जेयावन्ने तहम्पगारा । सेत्तं वलया ॥ ४० ॥ से किं तं हरिया ? हरिया अणेगविहा पन्नत्ता । तंजहा - अज्जोरुहवोडाणे हरियग तह तंदुलेज्जगतणे य । वत्थुलपोरग [अंजीर ] पोइवल्ली य पालक्का ॥ १ ॥ दगपिप्पली य दव्वी सोत्थियसाए तहेव बम्ही य । मूलगसरिसव अंबिलसाएय जियंतए चेव ॥ २ ॥ तुलसी कह उराले फणिजए अजए य भूयणए । चोरगदमणगमरुयग सयपुप्फिदीवरे यता ॥ ३ ॥ जेयावन्ने तहप्पगारा । सेत्तं हरिया ॥ ४१ ॥ से किं तं ओसहीओ ? ओसहीओ अणेगविहाओ पण्णत्ताओ । तंजहा—सालीवीहीगोहूमजवजवजवकलमसूरतिलमुग्गमासणिप्फावकुलत्थआलिसंदसतीणपलिमंथगअयसीकुसुंभकोद्दवकंगूरालगवरा(रह)सामकोदूससणसरिसवमूलगबीया । जेयावन्ने तहप्पगारा । सेत्तं ओसहीओ ॥ ४२ ॥ से किं तं जलरुहा ? जलरुहा अणेगविहा पन्नत्ता । तंजहा- उदए, अवए, पणए, सेवाले, कलंबुया, हढे, कसेरुया, कच्छ, भाणी, उप्पले, पउमे, कुमुए, णलिणे, सुभए, सोगंधिए, पोण्डरीयए, महापोण्डरीयए, सयपत्ते, सहस्सपत्ते, कल्हारे, कोकणदे, अरविंदे, तामरसे, भिसे, भिसमुणाले, पोक्खले, पोक्खलत्थलए, जेयावन्ने तहम्प
