Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 263

सुत्तागमे
[जीवाजीवाभिगमे पण्णत्ता जं चेव पमाणं हरयस्स तं चेव सव्वं ॥ १३९-१४० ॥ तेणं कालेणं तेणं समएणं विजए देवे विजयाए रायहाणीए उववायसभाए देवसयणिजंसि देवदूसंतरिए अंगुलस्स असंखेजइभागमेत्तीए बोंदीए विजयदेवत्ताए उववण्णे ॥ तए णं से विजए देवे अहुणोववण्णमेत्तए चेव समाणे पंचविहाए पजत्तीए पजत्तीभावं गच्छइ, तंजहा-आहारपजत्तीए सरीरपजत्तीए इंदियपजत्तीए आणापाणुपज्जत्तीए भासामणपजत्तीए ॥ तए णं से विजए देवे देवसयणिज्जाओ अब्भुट्टेइ २ त्ता दिव्वं देवदूसजुयलं परिहेइ २ ता देवसयणिज्जाओ पञ्चोरुहइ २ त्ता उववायसभाओ पुरस्थिमेणं दारेणं णिग्गच्छइ २ त्ता जेणेव हरए तेणेव उवागच्छइ उवागच्छित्ता हरयं अणुपयाहिणं करेमाणे करेमाणे पुरत्थिमेणं तोरणेणं अणुप्पविसइ २ त्ता पुरथिमिल्लेणं तिसोवाणपडिरूवएणं पञ्चोरुहइ २ त्ता हरयं ओगाहइ २ त्ता जलावगाहणं करेइ २ त्ता जलमजणं करेइ २ त्ता जलकिडे करेइ २ त्ता आयंते चोक्खे परमसुइभूए हरयाओ पञ्चुत्तरइ २ त्ता जेणामेव अभिसेयसभा तेणामेव उवागच्छइ २ त्ता अभिसेयसभं अणुपयाहिणं करेमाणे पुरथिमिल्लेणं दारेणं अणुपविसइ २ त्ता जेणेव सए सीहासणे तेणेव उवागच्छइ २ त्ता सीहासणवरगए पुरच्छाभिमुहे सण्णिसण्णे ॥ तए णं तस्स विजयस्स देवस्स सामाणियपरिसोववण्णगा देवा आमिओगिए देवे सद्दावेंति २ त्ता एवं वयासी-खिप्पामेव भो देवाणुप्पिया! विजयस्स देवस्स महत्थं महग्धं महरिहं विउलं इंदाभिसेयं उवट्ठावेह ॥ तए णं ते आभिओगिया देवा सामाणियपरिसोववण्णेहिं एवं वुत्ता समाणा हट्टतुट्ठ जाव हियया करयलपरिग्गहियं सिरसावत्तं मत्थए अंजलिं कटु एवं देवा तहत्ति आणाए विणएणं वयणं पडिसुणंति २ त्ता उत्तरपुरत्थिमं दिसीभागं अवकमंति २ त्ता वेउन्वियसमुग्घाएणं समोहणंति २ ता संखेज्जाई जोयणाई दंडं णिसरंति तं०-रयणाणं जाव रिट्ठाणं, अहाबायरे पोग्गले परिसाउंति २ त्ता अहासुहुमे पोग्गले परियायंति २ त्ता दोच्चंपि वेउव्वियसमुग्घाएणं समोहणंति २ त्ता अट्ठसहस्सं सोवणियाणं कलसाणं अट्ठसहस्सं रुप्पामयाणं कलसाणं अट्ठसहस्सं मणिमयाणं अट्ठसहस्सं सुवण्णरुप्पामयाणं अट्ठसहस्सं सुवण्णमणिमयाणं अट्ठसहस्सं रुप्पामणिमयाणं अट्ठसहस्सं भोमेजाणं अट्ठसहस्सं भिंगारगाणं एवं आयंसगाणं थालाणं पाईणं सुपइट्ठगाणं चित्ताणं रयणकरंडगाणं अट्ठसयं सीहासणाणं छत्ताणं चामराणं अवपडगाणं बट्टगाणं तवसिप्पाणं खोरगाणं पीणगाणं तेल्लसमुग्गयाणं विउव्वंति ते साभाविए विउव्विए य कलसे य जाव तेल्लसमुग्गए य गेहंति गेण्हित्ता विजयाओ रायहाणीओ पडिनिक्खमंति २ ता ताए उक्किट्ठाए जाव उद्धृयाए दिव्वाए देवगईए तिरियमसंखे