Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 232

प० ३ ए० मणुईवत्तव्वया]
सुत्तागमे
१५७
अट्ठधणुसयं ऊसिया, तेसिं मणुयाणं चउसढि पिढिकरंडगा पण्णत्ता समणाउसो!, ते णं मणुया पगइभद्दगा पगइविणीयगा पगइउवसंता पगइपयणुकोहमाणमायालोभा मिउमद्दवसंपण्णा अल्लीणा भद्दगा विणीया अप्पिच्छा असंनिहिसंचया अचंडा विडिमंतरपरिवसणा जहिच्छियकामगामिणो य ते मणुयगणा पण्णत्ता समणाउसो ! । तेसि णं भंते ! मणुयाणं केवइकालस्स आहारट्टे समुप्पजइ ? गोयमा ! चउत्थभत्तस्स आहारढे समुप्पज्जइ, एगोख्यमणुईणं भंते ! केरिसए आगारभावपडोयारे पण्णत्ते ? गोयमा ! ताओ णं मणुईओ सुजायसव्वंगसुंदरीओ पहाणमहिलागुणेहिं जुत्ता अच्चतविसप्पमाणपउमसूमालकुम्मसंठियविसिठ्ठचलणा उज्जुमउयपीवरनिरंतरपुट्ठसाहियंगुलीया उण्णयरइयनलिणंव सुइणिद्धणक्खा रोमरहियवट्टलट्ठसंठियअजहण्णपसत्थलक्खणअकोप्पजंघजुयला सुणिम्मियसुगूढजाणुमंडलसुबद्धसंधी कयलिक्खंभाइरेगसंठियणिव्वणसुकुमालमउयकोमलअविरलसमसहियसुजायवठ्ठपीवरणिरंतरोरू अट्ठावयवीईपट्टसंठियपसत्थविच्छिन्नपिहुलसोणी वयणायामप्पमाणदुगुणियविसालमंसलसुबद्धज
ह्णवरधारणीओ वजविराइयपसत्थलक्खणणिरोदरी तिवलिवलीयतणुणमियमज्झियाओ उजुयसमसहिथजच्चतणुकसिणणिद्धआदेजलडहसु विभत्तसुजायकंतसोहंतरुइलरमणिज्जरोमराई गंगावत्तपयाहिणावत्ततरंगभंगुररविकिरणतरुणबोहियअकोसायंतपउमवणगंभीरवियडणाभी अणुब्भडपसत्थपीणकुच्छी सण्णयपासा संगयपासा सुजायपासा मियमाइयपीणरइयपासा अकरंडुयकणगरुयगनिम्मलसुजायणिरुवहयगायलट्ठी कंचणकलससमपमाणसमसहियसुजायलठ्ठचूचुयआमेलगजमलजुयलवट्टियअब्भुण्णयरइयसंठियपओहराओभुयंगणुपुव्वतणुयगोपुच्छवट्टसमसहियणमियआएजललियबाहाओ तंबणहा मंसलग्गहत्था पीवरकोमलवरंगुलीओ णिद्धपाणिलेहा रविससिसंखचक्कसोत्थियसुविभत्तसुविरइयपाणिलेहा पीणुण्णयकक्खवत्थिदेसा पडिपुण्णगलकवोला चउरंगुलसुप्पमाणकंबुवरसरिसगीवा मंसलसंठियपसत्थहणुया दाडिमपुप्फप्पगासपीवरकुंचियवराधरा सुंदरोत्तरोठा दहिदगरयचंदकुंदवासंतिमउलअच्छिद्दविमलदसणा रत्तुप्पलपत्तमउयसुकुमालतालुजीहा कणयरमुउलअकुडिलअब्भुग्गयउजुतुंगणासा सारयणवकमलकुमुयकुवलयविमुक्कदलणिगरसरिसलक्खणअंकियकंतणयणा पत्तलचवलायंततंबलोयणाओ आणामियचावरुइलकिण्हब्भराइसंठियसंगयआययसुजायतणुकसिणणिद्धभमुया अल्लीणपमाणजुत्तसवणा सुसवणा पीणमट्ठरमणिजगंडलेहा चउरंसपसत्थसमणिडाला कोमुइरयणियरविमलपडिपुन्नसोमवयणा छत्तुन्नयउत्तिमंगा कुडिलसुसिणिद्धदीहसिरया छत्तज्झयजुगदामिणिकमंडलुकलसवाविसोत्थियपडागजवमच्छकुम्मरहवरमगरसुयथालअंकुसअट्ठावयवीइसुपइट्ठगमऊरसिरिदामाभिसेयतोरणमेइणिउदहि