________________
१० ३ ति० जो० उ० २ ] सुत्तागमे
णीहिं, जहन्नपयाओ उक्कोसपए असंखेज्जगुणा, एवं जाव पडुप्पन्नवाउक्काइया ॥ पडुप्पन्नवणप्फइकाइया णं भंते ! केवइकालस्स निल्लेवा सिया ? गोयमा ! पडुप्पन्नवण• जहण्णपए अपया उक्कोसपए अपया, पडुप्पन्नवणप्फइकाइयाणं णत्थि निल्लेवणा ॥ पडुप्पन्नतसकाइयाणं पुच्छा, जहण्णपए सागरोवमसयपुहुत्तस्स उक्कोसपए सागरोवमसयपुहुत्तस्स, जहण्णपया उक्कोसपए विसेसाहिया ॥ १०२ ॥ अविमुद्धलेस्से णं भंते ! अणगारे असमोहएणं अप्पाणेणं अविसुद्धलेस्सं देवं देविं अणगारं जाणइ पासइ ? गोयमा ! नो इणट्ठे समट्ठे । अविसुद्धलेस्से णं भंते ! अणगारे असमोहएणं अप्पाणएणं विसुद्धलेस्सं देवं देविं अणगारं जाणइ पासइ ? गोयमा ! नो इणट्ठे समट्ठे । अविसुद्धलेस्से णं भंते ! अणगारे समोहएणं अप्पाणेणं अविसुद्धलेस्सं देवं देवि अणगारं जाणइ पासइ ? गोयमा ! नो इणट्ठे समद्रे | अविमुद्धलेस्से ० अणगारे समोहएणं अप्पाणेणं विसुद्धलेस्सं देवं देविं अणगारं जाणइ पासइ ? नो इणट्ठे समट्ठे । अविसुद्धलेस्से णं भंते ! अणगारे समोहयासमोहएणं अप्पाणेणं अविमुद्धलेस्सं देवं देविं अणगारं जाणइ पासइ ? नो इणट्ठे समट्ठे | अविमुद्धलेस्से॰ अणगारे समोहयासमोहएणं अप्पाणेणं विसुद्धलेस्सं देवं देवि अणगारं जाणइ पासइ ? नो इण्डे समट्ठे । विमुद्धलेस्से णं भंते! अणगारे असमोहएणं अप्पाणेणं अविमुद्धलेस्सं देवं देवि अणगारं जाणइ पासइ ? हंता जाणइ पासइ जहा अविसुद्धलेस्सेणं छ आलावगा एवं विसुद्धलेस्सेणवि छ आलावगा भाणि - यव्त्रा जाव विसुद्धलेस्से णं भंते ! अणगारे समोहयासमोहरणं अप्पाणेणं विसुद्धलेस्सं देवं देवं अणगारं जाणइ पासइ ? हंता जाणइ पासइ ॥ १०३ ॥ अण्णउत्थिया णं भंते । एवमाइक्खंति एवं भासेन्ति एवं पण्णवेंति एवं परूवेंति — एवं खलु एगे जीवे एगेणं समएणं दो किरियाओ पकरेइ, तंजहा सम्मत्तकिरियं च मिच्छत्तकिरियं च, जं समयं सम्मत्त किरियं पकरेड़ तं समयं मिच्छत्तकिरियं पकरेइ, जं समयं मिच्छत्तकिरियं पकरेइ तं समयं सम्मत्तकिरियं पकरेइ सम्मत्तकिरियापकरणयाए मिच्छत्तकिरियं पकड़ मिच्छत्तकिरियापकरणयाए सम्मत किरियं पकरेइ, एवं खलु एगे जीवे एगेणं समएणं दो किरियाओ पकरेs, तंजहा सम्मत किरियं च मिच्छत्त किरियं च से कहमेयं भंते! एवं ? गोयमा ! जन्नं ते अन्नउत्थिया एवमाइक्खंति एवं भासंति एवं पणवेंति एवं परूवेंति एवं खलु एगे जीवे एगेणं समएणं दो किरियाओ पकरेइ, तहेव जाव सम्मत्तकिरियं च मिच्छतकिरियं च जे ते एवमाहंसु तं णं मिच्छा, अहं पुण गोयमा ! एवमाक्खामि जाव परुवेमि -- एवं खलु एगे जीवे एगेणं समएणं एगं किरियं पकड़, तंजहा सम्मत्तकिरियं वा मिच्छत्तकिरियं वा, जं समयं सम्मत्तकिरिय पकरेइ णो तं समयं मिच्छतकिरियं पकरेइ, तं चैव जं समयं मिच्छत्तकिरियं पकरेइ
१५१
