Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 178

परिसमत्ती] सुत्तागमे
१०३ कामेहिं जाए भोगेहिं संवड्डिए नोवलिप्पिहिइ. मित्तनाइनियगसयणसंबन्धिपरिजणेणं । से णं तहारूवाणं थेराणं अन्तिए केवलं बोहिं बुज्झिहिइ २ त्ता मुण्डे भवित्ता अगाराओ अणगारियं पव्वइस्सइ । से णं अणगारे भविस्सइ, इरियासमिए जाव सुययासणे इव तेयसा जलन्ते । तस्स णं भगवओ अणुत्तरेणं नाणेणं एवं दंसणेणं चरित्तेणं आलएणं विहारेणं अजवेणं मद्दवेणं लाघवेणं खन्तीए गुत्तीए मुत्तीए अणुत्तरेणं सव्वसंजमतवसुचरियफलनिव्वाणमग्गेणं अप्पाणं भावमाणस्स अणन्ते अणुत्तरे कसिणे पडिपुण्णे निरावरणे निव्वाघाए केवलवरनाणदंसणे समुप्पजिहिइ । तए णं से भगवं अरहा जिणे केवली भविस्सइ, सदेवमणुयासुरस्स लोगस्स परियागं जाणिहिइ । तं जहा-आगई गई ठिई चवणं उववायं तकं कडं मणोमाणसियं खइयं भुत्तं पडिसेवियं आवीकम्मं रहोकम्म-अरहा अरहस्सभागी, तं तं मणवयकायजोगे वहमाणाणं सव्वलोए सव्वजीवाणं सव्वभावे जाणमाणे पासमाणे विहरिस्सइ । तए णं दढपइन्ने केवली एयारूवेणं विहारेणं विहरमाणे बहूई वासाइं केवलिपरियागं पाउणित्ता अप्पणो आउसेसं आभोएत्ता बहूई भत्ताई पच्चक्खाइस्सइ २ त्ता बहूई भत्ताई अणसणाए छेइस्सइ २ त्ता जस्सट्ठाए कीरइ जिणकप्पभावे थेरकप्पभावे मुण्डभावे केसलोए बम्भचेरवासे अण्हाणगं अदन्तवणं अणुवहाणगं भूमिसेजा फलहसेजा परघरपवेसो लद्धावलद्धाई माणावमाणाइं परेसिं हीलणाओ निंदणाओ खिंसगाओ तज्जणाओ ताडणाओ गरहणाओ उच्चावया विख्वरूवा बावीसं परीसहोवसग्गा गामकण्टगा अहियासिजन्ति तम8 आराहेहिइ २ त्ता चरिमेहिं उस्सासनिस्सासेहिं सिज्झिहिइ बुज्झिहिइ मुञ्चिहिइ परिनिव्वाहिइ सव्वदुक्खाणमन्तं करेहिइ” ॥ ८० ॥ “सेवं भन्ते ! सेवं भन्ते” त्ति भगवं गोयमे समणं भगवं महावीरं वन्दइ नमंसइ वं० २ त्ता संजमेणं तवसा अप्पाणं भावेमाणे विहरइ ॥ ८१ ॥ ॥ निक्खेवो ॥ रायपसेणइयं समत्तं ॥