Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 118

संवट्टयवायविउव्वणा]
सुत्तागमे
नोट कारवेह करित्ता य कारवेत्ता य खिप्पामेव मम एयमाणत्तियं पञ्चप्पिणह ॥६-७ ॥ तए णं ते आभिओगिया देवा सूरियाभेणं देवेणं एवं वुत्ता समाणा हतुट्ठ जाव हियया करयलपरिग्गहियं दसनहं सिरसावत्तं मत्थए अंजलिं कट्ठ एवं देवो तहत्ति आणाए विणएणं वयणं पडिसुणंति एवं देवो तहत्ति आणाए विणएणं वयणं पडिसुणेत्ता उत्तरपुरच्छिमं दिसिभागं अवकमंति उत्तरपुरच्छिमं दिसिभागं अवकमित्ता वेउब्वियसमुग्घाएणं समोहणंति २ त्ता संखेज्जाइं जोयणाइं दंडं निस्सिरन्ति, तंजहारयणाणं वयराणं वेरुलियाणं लोहियक्खाणं मसारगल्लाणं हंसगब्भाणं पुलगाणं सोगंधियाणं जोइरसाणं अंजणाणं अंजणपुलगाणं रयणाणं जायस्वाणं अंकाणं फलिहाणं रिटाणं अहाबायरे पुग्गले परिसाडंति २त्ता अहासुहुमे पुग्गले परियायंति २ त्ता दोचंपि वेउव्वियसमुग्घाएणं समोहणंति २ त्ता उत्तरवेउव्वियाई रुवाइं विउव्वंति २त्ता ताए उक्किट्ठाए पसत्थाए तुरियाए चवलाए चंडाए जयणाए सिग्धाए उछ्याए दिव्वाए देवगईए तिरियमसंखेजाणं दीवसमुदाणं मज्झंमज्झेणं वीईवयमाणा २ जेणेव जंबुद्दीवे दीवे जेणेव भारहे वासे जेणेव आमलकप्पा णयरी जेणेव अंबसालवणे उज्जाणे जेणेव समणे भगवं महावीरे तेणेव उवागच्छंति तेणेव उवागच्छित्ता समणं भगवं महावीरं तिक्वुत्तो आयाहिणपयाहिणं करेंति २ त्ता वंदति नमसंति वंदित्ता नमंसित्ता एवं वयासी-अम्हे णं भंते ! सृरियाभस्स देवस्स आभिओगा देवा देवाणुप्पियाणं वंदामो णमंसामो सकारेमो सम्माणेमो कल्लाणं मंगलं देवयं चेइयं पजुवासामो ॥ ८॥ देवाइ समणे भगवं महावीरे ते देवे एवं वयासी-पोराणमेयं देवा ! जीयमेयं देवा ! किच्चमेयं देवा ! करणिजमेयं देवा ! आइन्नमेयं देवा ! अब्भणुण्णायमेयं देवा ! जण्णं भवणवइवाणमंतरजोइसियवेमाणिया देवा अरहंते भगवंते वंदंति नमसंति वंदित्ता नमंसित्ता तओ साइं साइं णामगोयाइं साधिति तं पोराणमेयं देवा ! जाव अब्भणुण्णायमेयं देवा ! ॥ ९ ॥ तए णं ते आभिओगिया देवा समणेणं भगवया महावीरेणं एवं वुत्ता समाणा हट्ठ जाव हियया समणं भगवं महावीरं वंदति णमंसंति बंदित्ता णमंसित्ता उत्तरपुरत्थिमं दिसीभागं अवकमंति अवक्कमित्ता वेउव्वियसमुग्धाएणं समोहणंति २ त्ता संखेज्जाइं जोयणाई दंडं निस्सिरंति, तंजहा-रयणाणं जाव रिटाणं अहाबायरे पोग्गले परिसाडंति २ त्ता दोच्चपि वेउव्वियसमुग्घाएणं समोहणंति २ त्ता संवयवाए विउव्वंति, से जहानामए भइयदारए सिया तरुणे बलवं जुगवं अप्पायंके [विरसंघयणे] थिरग्गहत्थे दढपाणिपायपिटुंतरोरु[संघाय]परिणए घणनिचियवलियवदृखंधे चम्मेढगदुघणमुट्ठियसमाहयगत्ते उरस्सवलसमन्नागए तलजमलजुयल[फलिहनिभ]बाहू लंघण