________________
९०२
सुत्तागमे
[भगवई परंपरोववन्नएहि उद्देसो सो चेव निरवसेसो भाणियन्वो । सेवं भंते ! २ त्ति ॥२६-५॥ अणंतराहारए णं भंते! नेरइए पावं कम्मं किं वंधी० पुच्छा, गोयमा! एवं जहेव अणंतरोववन्नएहिं उद्देसो तहेव निरवसे (सो)सं । सेवं भंते ! २ त्ति ॥ २६-६ ॥ परंपराहारए णं भंते ! नेरइए पावं कम्मं किं बंधी० पुच्छा, गोयमा! एवं जहेव परंपरोववन्नएहि उद्देसो तहेव निरवसेसो भाणियव्यो । सेवं भंते । सेवं भंते ! त्ति ॥ २६-७ ॥ अणंतरपजत्तए णं भंते ! नेरइए पावं कम्मं किं बंधी० पुच्छा, गोयमा ! एवं जहेव अणंतरोववन्नएहिं उद्देसो तहेव निरवसेसं । सेवं भंते ! २ त्ति ॥ २६-८ ॥ परंपरपजत्तए णं भंते ! नेरइए पावं कम्मं किं बंधी० पुच्छा, गोयमा ! एवं जहेव परंपरोववन्नएहिं उद्देसो तहेव निरवसेसो भाणियब्वो । सेवं मंते ! २ त्ति जाव विहरइ ॥ २६-९ ॥ चरिमे णं भंते ! नेरइए पावं कम्मं किं बंधी० पुच्छा, गोयमा! एवं जहेव परंपरोववन्नएहिं उद्देसो तहेव चरिमेहिं निरवसे(सं)सो। सेवं भंते ! २ त्ति जाव विहरइ ॥ २६-१०॥ अचरिमे णं भंते ! नेरइए पावं कम्मं किं बंधी० पुच्छा, गोयमा ! अत्थेगइए एवं जहेव पढमोद्देसए तहेव पढमविइया भंगा भाणियव्वा सव्वत्थ जाव पंचिंदियतिरिक्खजोणियाणं । अचरिमे णं मंते ! मणुस्से पावं कम्मं किं वंधी० पुच्छा, गोयमा! अत्थेगइए वंधी वंधइ वैधिस्सइ, अत्थेगइए वंधी वंधइ न वंधिस्सइ, अत्थेगइए वंधी न बंधइ(न) बंधिस्सइ। सलेस्से णं भंते ! अचरिमे मणुस्से पावं कम्मं कि वंधी० ? एवं चेव तिन्नि भंगा चरिमविहणा भाणियव्वा एवं जहेव पढमुद्देसे, नवरं जेसु तत्थ वीससु पदेसु चत्तारि भंगा तेसु इह आदिल्ला तिन्नि भंगा भाणियव्वा चरिमभंगवजा, अलेस्से केवलनाणी य अजोगी य एए तिन्निवि न पुच्छिज्जति, सेसं तहेव, वाणमंतरजोइसियवेमाणि(ए)या जहा नेरइए । अचरिमे णं भंते ! नेरइए नाणावरणिज कम्मं कि बंधी० पुच्छा; गोयमा ! एवं जहेव पावं नवरं मणुस्सेसु सकसाईसु लोभकसाईसु य पढमविइया भंगा, सेसा अट्ठारस चरिमविहूणा सेसं तहेव जाव वेमाणियाणं, दरिसणावरणिजंपि एवं चेव निरवसेसं, वेयणिज्जे सव्वत्थवि पढमविइया भंगा जाव वेमाणियाणं नवरं मणुस्सेसु अलेस्से केवली अजोगी य नत्थि । अचरिमे णं भंते ! नेरइए मोहणिज कम्मं कि वंधी० पुच्छा, गोयमा! जहेव पावं तहेव निरवसेसं जाव वेमाणिए । अचरिमे णं भंते ! नेरइए आउयं कम्मं किं वंधी० पुच्छा, गोयमा! पढमवि(त)इया भंगा, एवं सव्वपदेसुवि, नेरइयाणं पढमतइया भंगा नवरं सम्मामिच्छत्ते तइओ भंगो, एवं जाव थणियकुमाराणं, पुढविक्काइयआउकाइयवणस्सइकाइयाणं तेउलेस्साए तइओ भंगो सेसेसु पदेसु सव्वत्थ पढमतइया भंगा, तेउकाइयवाउक्काइयाणं सव्वत्य
एवं चेव निखान केवली गायमा
