________________
सुत्तागमे
[भगवई
सत्यकायविणए
आउत्तं तुय
से किं तं
य, से किं तं पसत्थकायविणए ? पसत्यकायविणए सत्तविहे प०, तंजहा-आउत्तं गमणं आउत्तं ठाणं आउत्तं निसीयणं आउत्तं तुयट्टणं आउत्तं उल्लंघणं आउत्तं पढ़धणं आउत्तं सञ्चिदियजोगजुंजणया, सेत्तं पसत्थकायविणए, से किं तं अप्पसत्य. कायविणए ? अप्पसत्थकायविणए सत्तविहे पन्नत्ते, तंजहा-अणाउत्तं गमणं जाव अणाउत्तं सव्विदियजोगजुजणया, सेत्तं अप्पसत्थकायविणए, सेत्तं कायविणए, से किं तं लोगोवयारविणए ? लोगोवयारविणए सत्तविहे प०, तं०-अन्भासवत्तियं परच्छं. दाणुवत्तियं कजहेऊं कयपडिकिइया अत्तगवेसणया देसकालण्णया सव्वत्थेसु अप्पडिलोमया, सेत्तं लोगोवयारविणए, सेत्तं विणए । से कि तं वेयावच्चे ? वेयावच्चे दसविहे प०, तं०-आयरियवेयावच्चे उवज्झायवेयावचे थेरवेयावच्चे तवस्सिवेयावचे गिलाणवेयावच्चे सेहवेयावच्चे कुलवेयावचे गणवेयावचे संघवेयावच्चे साहम्मियवेयावच्चे, सेत्तं वेयावच्चे । से कि तं सज्झाए ? सज्झाए पंचविहे पन्नत्ते, तं०-वायणा पडिपुच्छणा परियणा अणुप्पेहा धम्मकहा, सेत्तं सज्झाए ॥ ८०१॥ से किं तं झाणे ? झाणे चउबिहे पन्नत्ते, तंजहा-अट्टे झाणे रोहे झाणे धम्मे झाणे सुक्ने झाणे, अहे झाणे चउबिहे पन्नत्ते, तंजहा-अमणुन्नसंपओगसंपउत्ते तस्स विप्पओगसइ. समन्नागए यावि भवइ १, मणुन्नसंपओगसंपउत्ते तस्स अविप्पओगसइसमन्नागए यावि भवइ २, आयंकसंपओगसंपउत्ते तस्स विप्पओगसइसमन्नागए यावि भवइ ३, परिजुसियकामभोगसंपओगसंपउत्ते तस्स अविप्पओगसइसमन्नागए यावि भवइ ४, अट्टस्स णं झाणस्स चत्तारि लक्खणा प०, तं०-कंदणया सोयणया तिप्पणया परिदेवणया १ । रोद्दज्झाणे चउबिहे प०, तं०-हिंसाणुबंधी मोसाणुबंधी तेयाणुवंधी सारक्खणाणुवंधी, रोदस्स णं झाणस्स चत्तारि लक्खणा प०, तं०-ओसन्नदोसे बहुलदोसे अण्णाणदोसे आमरणांतदोसे २ । धम्मे झाणे चउन्विहे चउप्पडोयारे प०,तं०-आणाविजए अवायविजए विवागविजए संठाणविजए, धम्मस्स णं झाणस्स चत्तारि लक्खणा प०, तं०-आणाई निसग्गरुई सुत्तरुई ओगाढरई, धम्मस्स णं झाणस्स चत्तारि आलंवगा प०, तं०-वायणा पडिपुच्छणा परियट्टणा धम्मकहा, धम्मस्स णं झाणस्स चत्तारि अणुप्पेहाओ प०, तं०-एगत्ताणुप्पेहा अणिचाणुप्पेहा असरणाणुप्पेहा संसाराणुप्पेहा ३ । सुक्के झाणे चउविहे चउप्पडोयारे प०, तं०-पुहुत्तवियके सवियारी १, एगंतवियले अवियारी २, सुहुमकिरिए अनियट्टी ३, समुच्छिन्नकिरिए अप्पडिवाई ४, सुकस्स णं झाणस्स चत्तारि लक्खणा प०, तं०-खंती मुत्ती अजवे मद्दवे, सुक्कस्स णं झाणस्स चत्तारि आलंवणा प०, तं०-अव्वहे असंमोहे विवेगे विउसग्गे, सुक्कस्स णं झाणस्स चत्तारि
