________________
सुत्तागमे
८७६
[भगवई खीणवेदए होजा ? गोयमा! उवसंतवेदए वा होजा खीणवेदए वा होजा, जइ सवेदए होजा किं इथिवेदए होजा० पुच्छा, गोयमा ! तिमुवि जहा बउसे। गियंठे णं भंते ! किं सवेदए. पुच्छा, गोयमा ! णो सवेदए होजा अवेदए होना, जड़ अवेदए होजा कि उवसंत० पुच्छा, गोयमा ! उवसंतवेदए वा होजा खीणवेदए वा होजा । सिणाए णं भंते ! किं सवेयए होजा०? जहा नियंठे तहा सिणाएवि, नवरं णो उवसंतवेयए होजा खीणवेयए होजा २ ॥ ७५० ॥ पुलाए णं भंते ! कि सरागे होजा वीयरागे होजा ? गोयमा ! सरागे होजा णो वीयरागे होजा, एवं जाव कसायकुसीले। णियंठे णं भंते ! किं सरागे होजा० पुच्छा, गोयमा ! णो सरागे होजा वीयरागे होजा, जइ वीयरागे होजा कि उवसंतकसायवीयरागे होजा खीणकसायवीयरागे होज्जा ? गोयमा! उवसंतकसायवीयरागे वा होजा खीणकसायवीयरागे वा होज्जा, सिणाए एवं चेव, नवरंणो उवसंतकसायवीयरागे होजा खीणकसायवीयरागे होजा ३ ॥ ७५१ ॥ पुलाए णं भंते ! कि ठियकप्पे होजा अठ्ठियकप्पे होजा? गोयमा ! ठियकप्पे वा होज्जा अठियकप्पे वा होजा, एवं जाव सिणाए । पुलाए णं भंते ! किं जिणकप्पे होजा थेरकप्पे होजा कप्पातीते होज्जा ? गोयमा ! नो जिणकप्पे होजा थेरकप्पे होजा णो कप्पातीते होज्जा । वउसे णं भंते ! पुच्छा, गोयमा ! जिणकप्पे वा होजा थेरकप्पे वा होजा नो कप्पातीते होजा, एवं पर्डिसेवणाकुसीलेवि । कसायकुसीले णं पुच्छा, गोयमा ! जिणकप्पे वा होजा बेरकप्पे वा होजा कप्पातीते वा होजा । नियंठ णं पुच्छा, गोयमा ! नो जिणकप्पे होजा नो बेरकप्पे होजा कप्पातीते होजा, एवं सिणाएवि ४ ॥ ७५२ ॥ पुलाए णं भंते ! किं सामाइयसंजमे होजा छेओवट्ठावणियसंजमे होज्जा परिहारविसुद्धिग्रसंजमे होजा नुहमसंपराय- . संजमे होज्जा अहक्खायसंजमे होज्जा ? गोयमा ! सामाझ्यसंजमे वा होजा छेओवट्ठावणियसंजमे वा होजा णो परिहारविसुद्धियसंजमे होजा णो मुहुमसंपरायसंजमे होजा णो अहक्खायसंजमे होजा, एवं वउसेवि, एवं पडिसेवणाकुसीलेवि, कसायकुसीले णं पुच्छा, गोयमा ! सामाझ्यसंजमे वा होजा जाव सुहमसंपराय. संजमे वा होज्जा णो अहक्खायसंजमे होजा । नियंठे णं पुच्छा, गोयमा ! णो सामाइयसंजमे होजा जाव णो नुहुमसंपरायसंजमे होजा अहक्खायसंजमे होना, एवं सिणाएवि ५ ॥ ७५३ ॥ पुलाए णं भंते ! कि पडिसेवए होजा अपडिसेवए होजा? गोयमा! पडिसेवए होजा णो अपडिसेवए होजा, जइ पडिसेवए होजा कि मूलगुणपडिसेवए होना उत्तरगुणपडिसेवए होजा? गोयमा ! मूलगुणपडिसेवए वा होजा उत्तरगुणपडिलेवए वा होजा, मूलगुणपडिसेवमाणे पंचहं अणासवाणं
