________________
सुत्तागमे
[ आयारे
उग्गहं अणुन्नविय पडिलेहिय २ पमजिय २ तओ संजयामेव अवंगुणिज वा पविसेज वा णिक्खमेज्ज वा ॥५७२ || से भिक्खू वा (२) जाव समाणे से जं पुण जाणेजा, समणं वा, माहणं वा, गामपिंडोलगं वा, अतिहिं वा, पुव्वपविठ्ठे पेहाए णो तेसिं संलोए सपडिदुवारे चिट्ठेजा, केवली बूया आयाणमेयं ॥ ५७३ ॥ पुरा पेहाए तस्सठ्ठाए परो असणं वा, (४) आहट्टु दलएजा अह भिक्खूणं पुव्वोवदिट्टा एस पन्ना एस हेऊ, एस उवएसो, जंणो तेसि संलोए सपडिदुवारे चिठ्ठेजा से तमायाए एगंतमवक्कमिज्जा अणावायमसंलोए चिठ्ठेजा ॥ ५७४ ॥ से परो अणावायमसंलोए चिट्ठमाणस्स असणं वा ( ४ ) आहट्टु दलएजा से य वदेजा “आउसंतो समणा इमे भे असणे वा ( ४ ) सव्वजणाए निसिठे, तं भुंजह च णं परिभाएह च णं तं चेगइओ पडिगाहेत्ता तुसिणीओ उवेहेजा, अवियाइ एयं मममेव तिया एवं माइद्वाणं संफासे, णो एवं करेजा, से तमायाए तत्थ गच्छेजा ( २ ) से पुव्वामेव आलोएज्जा, “आउसंतो समणा, इमे भे असणं वा ( ४ ) सव्व जगाए णिसिठ्ठे तं भुंजह च णं परिभाएह च णं” सेवं वदतं परो वएजा 'आउसंतो समणा, तुमं चेव णं परिभाएहि, से तत्थ परिभाएमाणे णो अप्पगो खद्धं २ डायं २ ऊसढं २ रसियं २ मणुन्नं २ णिद्धं २ लुक्खं २ से तत्थ अमुच्छिए अगिद्धे अगढिए अणज्झोववण्णे, बहुसममेव, परिभाएजा ॥ ५७५ ॥ से णं परिभाएमाणं परो वएजा 'आउसंतो समणा मा णं तुमं परिभाएहि सव्वे वेगतिया ठिया उ भोक्खामो वा पाहामो वा” से तत्थ भुंजमाणे णो अप्पणा खद्धं २ जाव लुक्सं २ से तत्थ अमुच्छिए ( ४ ) बहुसममेव भुंज्जिज्ज वा पीइज वा ॥ ५७६ ॥ से भिक्खू वा (२) जाव समाणे से जं पुण जाणिजा, समगं वा, माहणं वा, गामपिंडोलगं वा, अतिहिं वा, पुव्वपविद्वं पेहाए णो ते उवाइकम्म पविसेज्ज वा ओभासेज वा से तमायाय एगंतमवकमेज्जा अणावायमसंलोए चिठ्ठिजा, अह पुण एवं जाणिजा, पडिसेहिए वा दिने वा तओ तंमि णियत्तिए संजयामेव पविसिज वा ओभासिज्ज वा ॥ ५७७ ॥ एयं खलु तस्स भिक्खुस्स भिक्खुणीए वा सामग्गियं ॥ ५७८ ॥ पंचमोसो समत्तो ॥
से भिक्खू वा (२) जाव समाणे से जं पुण जाणेज्जा, रसेसिणो बहवे पाणा घासेसणाए संथडे संणिवइए पेहाए तंजहा - कुक्कुडजाइयं वा, सूयरजाइयं वा अग्गपिंडंसि वा वायसा संथडा संणिवइया पेहाए सइ परक्कमे संजयामेव परक्कमेज्जा नो उज्जुयं गच्छिजा ॥ ५७९ ॥ से भिक्खू वा (२) जाव पविट्ठे समाणे नो गाहावइकुलस्स दुवारसाहं अवलंबिय २ चिठ्ठेजा, नो गाहावइकुलस्स दगच्छड्डणमत्तए
४०
