________________
८५०
सुत्तागमे । [भगवई उववजंति० ईसाणदेवाणं एस चेव सोहम्मगदेवसरिसा वत्तव्वया नवरं असंखेजवासाउयसन्निपंचिंदियतिरिक्खजोणियस्स जेसु ठाणेसु सोहम्मे उववजमाणस्स पलिओवमट्टिई तेसु ठाणेसु इहं साइरेगं पलिओवमं कायव्वं, चउत्थगमे ओगाहणा जहन्नेणं धणुहपुहुत्तं उक्कोसेणं साइरेगाइं दो गाउयाइं सेसं तं चेव ९॥ असंखेजवासाउयसनिमणुस्सस्सवि तहेव ठिई जहा पंचिंदियतिरिक्खजोणियस्स असंखेजवासाउयस्स
ओगाहणावि जेसु ठाणेसु.गाउयं तेसु ठाणेसु इहं साइरेगं गाउयं सेसं तहेव ९॥ संखेजवासाउयाणं तिरिक्खजोणियाणं मणुस्साण य जहेव सोहम्मेसु उववजमाणाणं तहेव निरवसेसं णववि गमगा नवरं ईसाणट्टिई संवेहं च जाणेजा ९ ॥ सणंकुमारगदेवा णं भंते ! कओहिंतो उववजंति० उववाओ जहा सकरप्पभापुढविनेरइयाणं जाव पज्जत्तसंखेजवासाउयसन्निपंचिंदियतिरिक्खजोणिए णं भंते ! जे भविए सणंकुमारगदेवेसु उववजित्तए अवसेसा परिमाणादीया भवादेसपजवसाणा सच्चेव वत्तव्वया भाणियव्वा जहा सोहम्मे उववजमाणस्स नवरं सणंकुमारठ्ठिइं संवेहं च जाणेजा, जाहे य अप्पणा जहन्नकालट्ठिईओ भवइ ताहे तिसुवि गमएसु पंच लेस्साओ आइलाओ कायव्वाओ सेसं तं चेव ९ ॥ जइ मणुस्सेहिंतो उववजति मणुस्साणं जहेव सकरप्पभाए उववजमाणाणं तहेव णववि गमा भाणियव्वा नवरं सणंकुमारठिइं संवेहं च जाणेजा ९ ॥ माहिंदगदेवा णं भंते ! कओहिंतो उववजंति० जहा सणंकुमारदेवाणं वत्तव्वया तहा माहिंदगदेवाणवि भाणियव्वा, नवरं माहिंदगदेवाणं ठिई साइरेगा जा(भा)णियव्वा सा चेव, एवं बंभलोगदेवाणवि वत्तव्वया नवरं बंभलोगट्टिई संवेहं च जाणेज्जा, एवं जाव सहस्सारो, णवरं ठिई संवेहं च जाणेजा, लंतगाईणं जहन्नकालट्ठिईयस्स तिरिक्खजोणियस्स तिसुवि गमएसु छप्पि लेस्साओ कायव्वाओ, संघयणाई वंभलोगलंतएसु पंच आइल्लगाणि, महासुक्कसहस्सारेसु चत्तारि, तिरिक्खजोणियाणवि मणुस्साणवि, सेसं तं चेव ९ ॥ आणयदेवा णं भंते ! कओहिंतो उववजति उववाओ जहा सहस्सारे देवाणं णवरं तिरिक्खजोणिया खोडेयव्वा जाव पजत्तसंखेजवासाउयसन्निमणु(स्सा)स्से णं भंते ! जे भविए आणयदेवेसु उववजित्तए मणुस्साणं वत्तव्वया जहेव सहस्सारेसु उववजमाणाणं णवरं तिन्नि संघयणाणि सेसं तहेव जाव अणुवंधो भवादेसेणं जहन्नेणं तिन्नि भवग्गहणाइं उक्कोसेणं सत्त भवग्गहणाई, कालादेसेणं जहन्नेणं अट्ठारस सागरोवमाइं दोहिं वासपुहुत्तेहिं अब्भहियाई उक्कोसेणं सत्तावन्नं सागरोवमाइं चउहि पुव्वकोडीहिं अब्भहियाइं एवइयं०, एवं सेसावि अट्ट गमगा भाणियव्वा नवरं ठिई संवेहं च जाणेजा, सेसं तहेव ९ ॥ एवं जाव अञ्चयदेवा, नवरं ठिई संवेहं च जाणेजा ९ ॥ चउसुवि संघयणा तिन्नि
