________________
८२९
वि० ५० स० २४ उ०१२] सुत्तागमे साउयसन्निमणुस्से णं भंते ! जे भविए णागकुमारेसु उववजित्तए से णं भंते ! केवइयकालट्ठिईएसु उववजइ ? गोयमा । जहन्नेणं दसवाससहस्सढ़िईएसु उक्कोसेणं देसूणदोपलिओवमट्ठिईएसु एवं जहेव असंखेज्जवासाउयाणं तिरिक्खजोणियाणं नागकुमारेसु आइल्ला तिन्नि गमगा तहेव इमस्सवि, नवरं पढमविइएसु गमएसु सरीरोगाहणा जहन्नेणं साइरेगाइं पंचधणुहसयाइं उक्कोसेणं तिन्नि गाउयाई, तइयगमे ओगाहणा जहन्नेणं देसूणाई दो गाउयाई उक्कोसेणं तिन्नि गाउयाई सेसं तं चेव ३, सो चेव अप्पणा जहन्नकालट्ठिईओ जाओ तस्स तिसुवि गमएसु जहा तस्स चेव असुरकुमारेसु उववज्जमाणस्स तहेव निरवसेसं ६, सो चेव अप्पणा उक्कोसकालट्ठिईओ जाओ तस्स तिसुवि गमएसु जहा तस्स चेव उक्कोसकालटिईयस्स असुरकुमारेसु उववजमाणस्स नवरं णागकुमारट्टिई संवेहं च जाणेज्जा, सेसं तं चेव ९ ॥ जइ संखेजवासाउयसनिमणु० किं पजत्तसंखेज० अपजत्तसंखेज० १ गोयमा! पजत्तसंखेज० णो अपजत्तसंखेज०, पजत्तसंखेजवासाउयसन्निमणुस्से णं भंते ! जे भविए णागकुमारेसु उववजित्तए से णं भंते ! केवइ० ? गोयमा ! जहन्नेणं दसवाससहस्सट्ठिईएसु उकोसेणं देसूणदोपलिओवमट्टिईएसु उ० एवं जहेव असुरकुमारेसु उववजमाणस्स सच्चेव लद्धी 'निरवसेसा नवसु गमएसु णवरं णागकुमारठ्ठिई संवेहं च जाणेजा, सेवं भंते ! २ त्ति ॥ ६९८ ॥ चउवीसइमस्स सयस्स तइओ उद्देसो समत्तो॥
अवसेसा सुवन्नकुमाराई जाव थणियकुमारा एएवि अट्ठ उद्देसगा जहेव नागकुमाराणं तहेव निरवसेसा भाणियव्वा, सेवं भंते ! सेवं भंते ! त्ति ॥ ६९९ ॥ चउवीसइमस्स सयस्स एक्कारसमो उद्देसो समत्तो ।।
पुढविकाइया णं भंते ! कओहितो उववति कि नेरइएहितो उववजति तिरि. क्ख० मणु० देवेहिंतो उववजंति ? गोयमा ! णो णेरइएहिंतो उववनंति तिरिक्ख० मणु० देवेहितोवि उववजंति, जइ तिरिक्खजोणिएहिंतो उ० कि एगिदियतिरिक्खजोणिए० एवं जहा वकंतीए उववाओ जाव जइ वायरपुढविक्काइयएगिदियतिरिक्खजोणिएहितो उववजति कि पजत्तवादर जाव उववजति अपज्जत्तवादरपुढवि जाव उ० ? गोयमा! पजत्तवादरपुढवि० अपजत्तबादरपुढवि जाव उववज्जति, पुढविकाइए ण भंते ! जे भविए पुढविक्काइएसु उववज्जित्तए से णं भंते ! केवइयकालढिईएसु उववजेजा ? गोयमा! जहन्नेणं अतोमुत्तढिईएसु उक्कोसेणं वावीसवाससहस्सट्टिईएसु उववजेजा, ते णं भंते ! जीवा एगसमएणं पुच्छा, गोयमा ! अणुसमयं अविरहिया असंखेज्जा उववन्नति, छेवट्ठसंघयणी, सरीरोगाहणा जहन्नेणं अंगुलस्स असंखेज्जइभागं उक्कोसेणवि अंगुलस्स असंखेज्जइभाग, मसूरचंदसंठिया, चत्तारि लेस्साओ, णो
