________________
८०४
सुत्तागमे
[ भगवई
कइ णं भंते ! कम्मभूमीओ प० ? गोयमा ! पन्नरस कम्मभूमीओ प०, तं०-पंच भरहाई, पंच एरवयाई, पंच महाविदेहाइं, कइ णं भंते ! अकम्मभूमीओ प० गोयमा ! तीसं अकम्मभूमीओ प०,०-पंच हेमवयाई,पंच हे(ए)रन्नवयाई,पंच हरिवासाई, पंच रम्मगवासाई, पंच देवकुराई, पंच उत्तरकुराइं, एयासु णंभंते ! तीसामु अकम्मभूमीसु अत्थि उस्सप्पिणीइ वा ओसप्पिणीइ वा ? णो इणढे समढे, एएम णं भंते ! पंचसु भरहेसु पंचसु एरवएसु अत्थि उस्सप्पिणीइ वा ओसप्पिणीइ वा ? हंता अस्थि, एएसु णं पंचसु महाविदेहेसु०, णेवत्थि उस्सप्पिणी नेवत्थि ओसप्पिणी अवट्ठिए णं तत्य काले प० समणाउसो ! ॥ ६७४ ॥ एएसु णं भंते ! पंचसु महाविदेहेसु अरिहंता भगवंतो पंचमहव्वइयं सपडिक्कमणं धम्मं पन्नवयंति ? णो इणढे समढे, एएसु णं पंचसु भरहेसु पंचसु एरवएसु पु(रिम)रच्छिमप(च)च्छिमगा दुवे अरिहंता भगवंतो पंचमहव्वइयं पंचाणुव्वइयं सपडिक्कमणं धम्म पन्न(वें)वयंति, अवसेसा णं अरिहंता भगवंतो चाउज्जामं धम्मं पन्नवयंति, एएसु णं पंचसु महावि. देहेसु अरहंता भगवंतो चाउज्जामं धम्म पन्नवयंति । जंबुद्दीवे णं भंते ! दीवे भारहे वासे इमीसे ओसप्पिणीए कइ तित्थगरा पन्नत्ता? गोयमा ! चउव्वीसं तित्यगरा पन्नत्ता, तंजहा-उसमअजियसंभवअभिनंदणसुमइसुप्पभसुपासससिपुप्फदंतसीयलसेजंसवासुपुजविमलअणंतधम्मसंतिकुंथुअरमल्लिमुणिसुव्वयन मिनेमिपासवद्धमाणा २४ ॥ ६७५ ॥ एएसि णं भंते ! चउवीसाए तित्थगराणं कइ जिणंतरा प०? गोयमा। तेवीसं जिणंतरा प० । एएसु णं भंते ! तेवीसाए जिणंतरेसु कस्स कहिं कालियसुयस्स वोच्छेदे प०? गोयमा ! एएसु णं तेवीसाए जिणंतरेसु पुरिमपच्छिमएसु अट्ठसु २ जिणंतरेसु एत्थ णं कालियसुयस्स अवोच्छेदे प०, मज्झिमएसु सत्तसु जिणंतरेसु एत्थ णं कालियसुयस्स वोच्छेदे प०, सव्वत्थवि णं वोच्छिन्ने दिद्विवाए ॥ ६७६ ॥ जंबुद्दीवे णं भंते ! दीवे भारहे वासे इमीसे ओसप्पिणीए देवाणुप्पियाणं केवइयं कालं पुव्वगए अणु(सि)सज्जिस्सइ ? गोयमा ! जंबुद्दीवे णं दीवे भारहे वासे इमीसे ओसप्पिणीए ममं एग वाससहस्सं पुव्वगए अणुसजिस्सइ, जहा णं भंते ! जंबुद्दीवे दीवे भारहे वासे इमीसे ओसप्पिणीए देवाणुप्पियाणं एगं वाससहस्सं पुव्वगए अणुसज्जिस्सइ तहा णं भंते ! जंबुद्दीवे दीवे भारहे वासे इमीसे ओसप्पिणीए अवसेसाणं तित्थगराणं केवइयं कालं पुव्वगए अणुसजित्या ? गोयमा ! अत्थेगइयाणं संखेनं कालं अत्थेगइयाणं असंखेनं कालं ॥६७७ ॥ जंबुद्दीवे णं भंते ! दीवे भारहे वासे इमीसे ओसप्पिणीए देवाणुप्पियाणं केवइयं कालं तित्थे अणुसजिस्सइ? गोयमा ! जंबुद्दीवे दीवे भारहे वासे इमीसे ओसप्पिणीए ममं एगवीसं वाससहस्साई
