________________
वि० ५० स० १७ उ०२]
सुत्तागमे
७५५
कंदं पचाले० ? गोयमा ! जावं च णं से पुरिसे जाव पंचहि किरियाहिं पुढे, जेसिंपिय णं जीवाणं सरीरेहिंतो मूले निव्वत्तिए जाव बीए निव्वत्तिए तेवि णं जीवा जाव पंचहि किरियाहिं पुट्ठा, अहे णं भंते ! से कंदे अप्पणो जाव चउहि किरियाहिं पुढे, जेसिंपिय णं जीवाणं सरीरेहिंतो मूले निव्वत्तिए खंधे निव्वत्तिए जाव चरहिं पुट्ठा, जेसिंपिय णं जीवाणं सरीरेहितो कंदे निव्वत्तिए तेवि णं जीवा जाव पंचहि किरियाहिं पुट्ठा, जेवि य से जीवा अहे वीससाए पच्चोवयमाणस्स जाव पंचहिं पुट्ठा जहा (कंदे) खंधो एवं जाव वीयं ॥५९०॥ कइ णं भंते ! सरीरगा पण्णत्ता ? गोयमा ! पंच सरीरगा पन्नत्ता, तंजहा-ओरालिए जाव कम्मए । कइ णं भंते ! इंदिया प० ? गोयमा ! पंच इंदिया प०, तं०-सोइंदिए जाव फासिंदिए । कइविहे णं भंते ! जोए प० ?' गोयमा ! तिविहे जोए प०, तं०-मणजोए वइजोए कायजोए। जीवे णं भंते !
ओरालियसरीरं निव्वत्तेमाणे कइकिरिए ? गोयमा ! सिय तिकिरिए सिय चउकिरिए सिय पंचकिरिए, एवं पुढविक्काइएवि, एवं जाव मणुस्से । जीवा णं भंते । ओरालि-' यसरीरं निव्वत्तेमाणा कइकिरिया ? गोयमा ! तिकिरियावि चउकिरियावि पंचकिरियावि, एवं पुडविकाइयावि, एवं जाव मणुस्सा, एवं वेउव्वियसरीरेणवि दो दंडगा नवरं जस्स अस्थि वेउव्वियं, एवं जाव कम्मगसरीरं, एवं सोइंदियं जाव फासिंदियं, एवं मणजोगं वइजोगं कायजोगं जस्स जं अत्थि तं भाणियव्वं, एए एगत्तपुहुत्तेणं छव्वीसं दंडगा ॥ ५९१॥ कइविहे णं भंते ! भावे पण्णत्ते ? गोयमा ! छविहे भावे प०, तं०-उदइए उवसमिए जाव सन्निवाइए, से किं तं उदइए भावे ? उदइए भावे दुविहे पण्णत्ते, तंजहा-उदइए य उदयनिप्पन्ने य, एवं एएणं अभिलावणं जहा अणुओगदारे छन्नामं तहेव निरवसेसं भाणियन्वं जावे से तं सन्निवाइए भावे ॥ सेवं भंते ! सेवं भंते ! ति॥५९२॥ सत्तरसमे सए पढमो उद्देसो समत्तो॥
से नृणं भंते । संजयविरयपडिहयपच्चक्खायपावकम्मे धम्मे ठिए, असंजयअविरयअपडिहयपच्चक्खायपावकम्मे अहम्मे ठिए, संजयासंजए धम्माधम्मे ठिए ? हता गोयमा ! संजयविरय जाव धम्माधम्मे ठिए, एएसि णं भंते ! धम्मंसि वा अहम्मसि वा धम्माधम्मंसि वा चक्किया केइ आसइत्तए वा जाव तुयट्टित्तए वा? गोयमा! णो इणट्टे समटे से केणं खाइ अटेणं भंते! एवं वुच्चइ जाव धम्माधम्मे ठिएं ? गोयमा ! संजयविरय जाव पावकम्मे धम्मे ठिए धम्मं चेव उवसंपजित्ताणं विहरइ, असंजय जाव पावकम्मे अहम्मे ठिए अहम्मं चेव उवसंपजित्ताणं विहरइ, संजयासंजए धम्माधम्मे ठिए धम्माधम्मं उवसंपज्जित्ताणं विहरइ,से तेणटेणं गोयमा! जाव ठिएं ॥ जीवा णं भंते ! किं धम्मे ठिया अहम्मे ठिया धम्माधम्मे ठिया ?
