________________
वि०प० स० १६ उ० ४]
सुत्तागमे
७४३
रायगिहे जाव एवं वयासी-कइ णं भंते ! कम्मपगडीओ पण्णत्ताओ ? गोयमा ! अट्ठ कम्मपगडीओ पण्णत्ताओ, तंजहा-नाणावरणिज जाव अंतराइयं, एवं जाव वेमाणियाणं । जीवे णं भंते! नाणावरणिज्ज कम्मं वेदेमाणे कइ कम्मपगडीओ वेदेइ ? गोयमा! अट्ठ कम्मपगडीओ, एवं जहा पन्नवणाए वेयावेउद्देसओ सो चेव निरवसेसो भाणियव्वो, वेदावंधोवि तहेव, बंधावेदोवि तहेव, वंधाबंधोवि तहेव भाणियव्यो जाव वेमाणियाणंति । सेवं भंते । २ त्ति जाव विहरइ ॥ ५६९ ॥ तए णं समणे भगवं महावीरे अन्नया कयाइ रायगिहाओ नयराओ गुणसिलाओ उजाणाओ पडिनिक्खमइ २ त्ता बहिया जणवयविहारं विहरइ, तेणं कालेणं तेणं समएणं उल्ल्यातीरे नामं नयरे होत्था वन्नओ, तस्स णं उल्लुयातीरस्स नयरस्स बहिया उत्तरपुरच्छिमे दिसीभाए एत्थ.णं एगजंबुए नाम उजाणे होत्था वन्नओ, तए णं समणे भगवं महावीरे अन्नया कयाइ पुव्वाणुपुट्विं चरमाणे जाव एगजंबुए समोसढे जाव परिसा पडिगया, भंते ! त्ति भगवं गोयमे समणं भगवं महावीर वंदइ नमंसइ वंदित्ता नमंसित्ता एवं वयासी-अणगारस्स पं भंते ! भावियप्पणो छटुंछटेणं अणिक्खित्तेणं जाव आयावेमाणस्स तस्स णं पुरच्छिमेणं अवढे दिवसं नो कप्पइ हत्यं वा पायं वा वाहं वा ऊरं वा आउंटावेत्तए वा पसारेत्तए वा, पञ्चच्छिमेणं से अवढे दिवसं कप्पइ हत्थं वा पायं वा जाव ऊरं वा आउंटावेत्तए वा पसारेत्तए वा, तस्स णं अंसियाओ लंवंति, तं च वेजे अदक्खु इ(ई)सिं पाडेइ २ त्ता अंसियाओ छिदेजा, से नूर्ण भंते ! जे छिंदइ तस्स किरिया कजइ, जस्स छिज्जइ नो तस्स किरिया कज्जइ णण्णत्थेगेणं धम्मंतराइएणं ? हंता गोयमा ! जे छिंदइ जाव धम्मंतराइएणं । सेवं, मंते ! सेवं भंते ! त्ति ॥५७०॥ सोलसमस्स मयस्स तइओ उद्देसो समत्तो॥
रायगिहे जाव एवं वयासी-जावइयन्नं भंते ! अन्नगिलायए समणे निग्गंथे कम्म निजरेइ एवइयं कम्मं नरएसु नेरइयागं वासेण वा वासेहिं वा वाससए(ण)हिं वा खविंति ? णो इणढे समठे, जावइयण्णं भंते ! चउत्थभत्तिए समणे निग्गंथे कम्म निजरेइ एवइयं कम्मं नरएसु नेरइया वाससएण वा वाससएहि वा वाससहस्से (ण)हिं वा वाससयसहस्से (ण)हिं वा खवयंति 2 णो इणढे समढे, जावइयन्नं भंते ! छहभत्तिए समणे निग्गंथे कम्मं निजरेइ एवइयं कम्मं नरएसु नेरइया वाससहस्सेण वा वाससहस्सेहिं वा वाससयसहस्से(हि)ण वा खवयंति ? णो इणढे समठे, जावड्यन्नं भंते ! अट्ठमभत्तिए समणे निग्गंथे कम्मं निजरेइ एवइयं कम्मं नरएसु नेरइया वाससयसहस्सेण वा वाससयसहस्सेहिं वा वाँसकोडीए वा खवयंति ? नो
