________________
सुत्तागमे
७०८
[भगवई वागरेज वा ? हेता भासेज वा वागरेज वा, जहा णं भंते ! केवली भासेज वा वागरेज वा तहा णं सिद्धेवि भासेज वा वागरेज वा? णो इणढे समढे, से केणटेणं भंते ! एवं वुच्चइ जहा णं केवली भासेज वा वागरेज वा णो तहा णं सिद्ध भासेज वा वागरेज वा ? गोयमा ! केवली णं सउट्ठाणे सकम्मे सवले सवीरिए सपुरिसक्कारपरक्कमे, सिद्धे णं अट्ठाणे जाव अपुरिसकारपरकमे, से तेणटेणं जाव नो वागरेज वा, केवली णं भंते ! उम्मिसेज वा निम्मिसेज वा ? हंता गोयमा ! उम्मिसेज वा निम्मिसेज्ज वा एवं चेव, एवं आउद्देज वा पसारेज वा, एवं ठाणं वा सेज्ज वा निसीहियं वा चेएजा, केवली णं भंते ! इमं रयणप्पभं पुढवि रयणप्पभापुढवीति जाणइ पासइ ? हंता गोयमा ! जाणइ पासइ, जहा णं भंते ! केवली इमं रयणप्पभं पुढविं रयणप्पभापुढवीति जाणइ पासइ तहा णं सिद्धेवि इमं रयणप्पभं पुढवि रयणप्पभापुढवीति जाणइ पासइ ? हंता जाणइ पासइ, केवली णं भंते ! सक्करप्पभं पुढवि सकरप्पभापुढवीति जाणइ पासइ ? एवं चेव, एवं जाव अहेसत्तमं, केवली णं भंते ! सोहम्मं कप्पं सोहम्मकप्पेति जाणइ ‘पासइ ? हंता जाणइ पासइ, एवं ईसाणं एवं जाव अच्चुयं, केवली णं भंते ! गेवेजविमाण गेवेजविमाणेति जाणइ पासइ ? एवं चेव, एवं अणुत्तरविमाणेवि, केवली णं भंते ! ईसिप्पन्भारं पुढवि ईसिप्पन्भारपुढवीति जाणइ पासइ ? एवं चेव, केवली णं भंते ! परमाणुपोग्गलं परमाणुपोग्गलेत्ति जाणइ पासइ ? एवं चेव, एवं दुपएसियं खधं एवं जाव जहा णं भंते ! केवली अणंतपएसियं खंधं अणंतपएसिए खंधेत्ति जाणइ पासइ तहाँ णं सिद्धेवि अणंतपएसियं खधं जाव पासइ ? हंता जाणइ पासइ । सेवं भंते ! सेवं भंते ! त्ति ॥ ५३७ ॥ चोदसमे सए दसमो उद्देसो संमत्तो ॥ चोदसमं सयं समत्तं ॥" नमो सुयदेवयाए भगवईए। तेणं कालेणं तेणं समएणं सावत्थी नाम नयरी होत्था वन्नओ, तीसे णं सावत्थीए नयरीए वहिया उत्तरपुरच्छिमे दिसीभाए तत्थ णं कोहए नाम उजाणे होत्था , वन्नओ, तत्थ णं सावत्थीए नयरीए हालाहला नाम कुंभकारी आर्जीवियोवासिया परिवसइ, अड्डा जाव अपरिभूया आजीविय. समयंसि लट्ठा गहियट्ठा पुच्छियट्ठा विणिच्छियट्ठा अद्विमिंजपेम्माणुरागरत्ता अयमाउसो ! आजीवियसमए अढे अयं परमटे सेसे अणटेत्ति आजीवियंसमएणं अप्पाण भावेमाणी विहरइ । तेणं कालेणं तेणं संमएणं गोसाले मंखलिपुत्ते चउव्वीसवासपरियाए हालाहलाए' कुंभकारीए कुंभकारावर्णसि आजीवियसंघसंपरिवुडे आजीचियसमएणं अप्पाणं भावेमाणे विहरइ, तए णं तस्स गोसालस्स मंखलिपुत्तस्सं अन्नया कयाइ इमे छ दिसाचरा अंतियं पाउब्भवित्था, तंजहा-साणे करणं)लंदे
