________________
६९८
सुत्तागमे
' [भगवई कहमियाणि पकरेइ ? गोयमा ! ताहे चेव णं से ईसाणे देविंदे देवराया अभितरपरिसए देवे सद्दावेइ, तए णं ते अभितरपरिसगा देवा सहाविया समाणा एवं जहेव सकस्स जाव तए णं ते आभिओगिया देवा सदाविया समाणा तमुक्काइए देवे सद्दावेंति, तए णं ते तमुक्काइया देवा सद्दाविया समाणा तमुक्कायं पकरेंति, एवं खलु गोयमा ! ईसाणे देविदे देवराया तमुक्कायं पकरेइ ॥ अत्थि णं भंते ! असुरकुमारावि देवा तमुक्कायं पकरेंति ? हंता अस्थि । किं पत्तियन्नं भंते ! असुरकुमारा देवा तमुक्कायं पकरेंति ? गोयमा ! किड्डारइपत्तियं वा पडिणीयविमोहणट्टयाए वा गुत्तीसंरक्खणहेडं वा अप्पणो वा सरीरपच्छायणट्ठयाए, एवं खलु गोयमा ! असुरकुमारावि देवा तमुक्कायं पकरेंति, एवं जाव वेमाणिया । सेवं भंते । २ त्ति जाव विहरइ ॥ ५०४ ॥ चोदसमसयस्स बीओ उद्देसो समत्तो॥ ।।
देवे णं भंते ! महाकाए महासरीरे अणगारस्स भावियप्पणो मज्झंमज्झेगं वीईवएजा ? गोयमा ! अत्थेगइए वीईवएजा अत्थेगइए नो वीईवएजा, से केणटेणं भंते ! एवं वुच्चइ अत्थेगइए वीईवएजा अत्थेगइए नो वीईवएजा ? गोयमा! देवा दुविहा पण्णत्ता, तंजहा-माइमिच्छादिट्ठिउववन्नगा य अमाइसम्मदिट्ठिउववन्नगा य, तत्थ णं जे से माइमिच्छदिट्ठिउववन्नए देवे से णं अणगारं भावियप्पाणं पासइ २ त्ता नो वंदइ नो नमसइ नो सकारेइ नो सम्माणेइ नो कल्लाणं मंगलं देवयं जाव पन्जवासइ,से णं अणगारस्स भावियप्पणो मज्झंमज्झेणं वीईवएजा, तत्थ णं जे से अमाइ सम्मद्दिट्ठिउववन्नए देवे से णं अणगारं भावियप्पाणं पासइ पासित्ता वंदइ नमसइ जाव पज्जुवासइ, से णं अणगारस्स भावियप्पणो मज्झंमज्झेगं नो वीईवएजा, से तेणटेणं गोयमा ! एवं बुच्चइ जाव नो वीईवएजा। असुरकुमारे णं भंते ! महाकाएं महासरीरे एवं चेव, एवं देवदंडओ भाणियन्वो जाव वेमाणिए ॥ ५०५ ॥ अत्थि णं भंते ! नेरइयाणं सकारेइ वा सम्माणेइ वा किइकम्मेइ वा अन्मुट्ठाणेइ वा अंजलिपग्गहेइ वा आसणाभिग्गहेइ वा आसणाणुप्पदाणेइ वा इंतस्स पञ्चुग्गच्छणया ठियस्स पजुवासणया- गच्छंतस्स पडिसंसाहणया ? नो इणढे संमढे । अत्थि ण भंते! असुरकुमाराणं सकारेइ वा सम्माणेइ वा जाव, पडिसंसाहणया ? हंता अत्थि, एवं जाव थणियकुमाराणं, पुढविकाइयाणं जाव चउरिंदियाणं एएसि जहा नेरइयाणं, अत्थि णं भंते ! पंचिंदियतिरिक्खजोणियाणं सकारेइ वा जाव पडिसंसाहणया ? हंता अत्थि, नो चेव णं आसणाभिग्गहेइ वा आसणाणुप्पदाणेइ वा, मणुस्साणं जाव वेमाणियाणं जहा असुरकुमाराणं. ॥ ५०६ ॥ अप्पिड्डिए णं भंते ! देवे महिड्डियस्स देवस्स मज्झंमज्झेणं वीईवएजा ? नो , इणढे समढे, समिड्डिए
