________________
६९२
सुत्तागमे
[ भगवई
?
ताओ देवलगाओ आउक्खणं ३ अनंतरं उव्वट्टित्ता कहिं गच्छिहि कहिं उबवज्जिहिइ ? गोयमा ! महाविदेहे वासे सिज्झिहिर जाव अंतं काहिर, सेवं भंते ! सेवं भंते ! ति ॥ ४९१ ॥ तेरहमे सए छट्टो उद्देसो समत्तो ॥ रायगिहे जाव एवं वयासी - आया भंते ! भासा अन्ना भासा गोयमा ! नो आया भासा अन्ना भासां, रु (वि) वी भंते ! भासा अरूवी भासा ? गोयमा ! स्वी भासा नो अरूवी भासा, सचित्ता भंते ! भासा अचित्ता भासा ? गोयमा ! नो सचित्ता भासा अचित्ता भासा, जीवा भंते! भासा अजीवा भासा ? गोयमा ! नो जीवा भासा अजीवा भासा जीवाणं भंते ! भासा अजीवाणं भासा ! गोयमा ! जीवाणं भासा नो अजीवाणं भासा, पुत्रि भंते! भासा भासिजमाणी भासा भासासमयवीकंता भासा ? गोयमा । नो पुदि भासा भासिजमाणी भासा णो भासासमयवीकंता भासा, पुव्विं भंते! भासा भिजइ, भासिजमाणी भासा भिजइ, भासासमयवीइकंता भासा भिजइ ? गोयमा ! नो पुत्र भासा भिज्जइ, भासिजमाणी भासा भिज्जइ, नो भासासमयवीइकंता भासा भिज्जइ । कइविहा णं भंते ! भासा पण्णत्ता ? गोयमा ! चउव्विहा भासा पण्णत्ता, तंजहा - सच्चा, मोसा, सच्चामोसा, असच्चामोसा ॥ ४९२ ॥ आया भंते ! मणे अन्न मणे ? गोयमा । नो आया मणे अन्ने मणे, जहा भासा तहा मणेवि जाव नो अजीवाणं मणे, पुव्विं भंते ! मणे मणिज्जमाणे मणे० ? एवं जहेव भासा, पुव्वि भंते ! मणे भिज्जइ, मणिज्जंमाणे मणे भिजड़, सणसमयवीइते मणे भिज्जइ ? एवं जहेव भासा | कवि णं भंते । मणे पण्णत्ते ? गोयमा । चउव्विहे मणे पन्नत्ते, तंजहासच्चे जाव असच्चामोसे ॥ ४९३ ॥ आया भंते ! काए अन्ने काए ? गोयमा ! आयावि काए अन्नेवि काए, रूवी भंते ! काए अरूवी काए ? गोयमा ! रुवीवि काए अरूवीवि काए, एवं एक्वेक्वे पुच्छा, गोयमा । सचित्तेविकाए अचित्तेविकाए, जीवेवि काए अजीवेवि काए, जीवाणवि काए अजीवाणवि काए, पुव्वि भंते । काए पुच्छा, गोयमा ! पुव्विपि काए काइजमाणेवि काए कायसमयवीइतेवि काए, पुवि भंते ! काए भिज्जइ पुच्छा, गोयमा ! पुव्विपि काए भिजइ काइजमाणेवि काए भिज्जइ, कायसमयवीइक्कंतेविकाए भिज्जइ ॥ कइविहे णं भंते ! काए, पन्नत्ते ? गोयमा ! सत्तविहे काए पन्नत्ते, तंजहा-ओरालिए ओरालियमीसए वेउन्त्रिए वेडव्वियमीसए आहारए आहारगमीसए कम्मए ॥ ४९४ ॥ कइविहे णं भंते । मरणे पन्नत्ते ? गोयमा ! पंचविहे मरणे पण्णत्ते, तंजहा—आवीचियमरणे ओहिमरणे आईंतियमरणे वालमरणे पंडियमरणे । आवीचियमरणे णं भंते ! कइविहे पण्णत्ते ? गोयमा ! पंचविहे पण्णत्ते, तंजहा - दव्वा -
