Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 694

६४२
सुत्तागमे - :
: - [भगवई
रन्नो पुत्ते :पभावईए देवीए अत्तए तं. होउ णं अम्हं एयस्स दारगस्स नामधेनं महव्वले, तए णं तस्स दारगस्स अम्मापियरो नामधे करेंति महब्बलेत्ति । तए णं से महब्बले दारए पंचधाईपरिग्गहिए, तंजहा-खीरधाईए एवं जहा दढपइन्ने जाव निवायनिव्वाघायंसि सुहंसुहेणं परिवड्डइ । तए णं तस्स महब्बलस्स दारगस्स अम्मापियरो अणुपुग्वेणं ठिइवडियं वा चंदसूरदंसावणियं वा जागरियं वा नामकरणं वा. परंगामणं वा पयचंकामणं वा जेमा(मोवणं वा पिडवद्धणं वा पजपावणं वा कण्णवेहणं वा संवच्छरपडिलेहणं वा चोलोयणगं च उवणयणं च अन्नाणि य वहणि गन्भाहाणजम्मणमाइयाइं कोउयाई करेंति । तए णं तं महब्बलं कुमारं अम्मापियरो साइरेगढ़वासगं जाणित्ता सोभणंसि तिहिकरणमुहुत्तसि एवं जहा दढप्पइन्ने जाव अलं भोगसमत्थे जाए यावि होत्था । तए णं तं. महव्बलं कुमारं उम्मुकवालभावं जाव अलं भोगसमत्थं विजाणित्ता - अम्मापियरो अट्ठ पासायवडेंसए कारेंति अब्भुग्गयमूसियपहसिए इव वन्नओ जहा रायप्पसेणइजे जाव पडिरूवे, तेसि णं : पासायवडेंसगाणं वहुमज्झदेसभाए एत्थ णं महेगं भवणं कारेंति अणेगखंभसयसंनिविहं वन्नओ जंहा रायप्पसेणइजे पेच्छाघरमंडवंसि जाव पडिलवे ॥ ४२८ ॥ तए णं तं महब्वलं कुमारं अम्मापियरो अन्नया कयाइ सोभणंसि तिहिकरणदिवसनक्खत्तमुहुर्तसि पहायं सव्वालंकारविभूसियं पमक्खणगण्हाणगीयवाइयपसाहणटुंगतिलगकंकणअविहववहुउवणीयं मंगलसुजंपिएहि य वरकोउयमंगलोवयारकयसंतिकम्मं सरिसियाण सरित्तयाणं सरिव्वयाण सरिसलावन्नरूवजोव्वगगुणोववेयाणं विणीयाणं सरिसएहिं रायकुलेहितो आणिलियाणं अट्ठण्हं रायवरकन्नाणं एगदिवसेणं पाणि गिण्हाविसु । तए णं तस्स महाबलस्स कुमारस्स अम्मापियरो अयमेयारूवं पीइदाणं दलयंति तं०-अट्ठ हिरन्नकोडीओ अट्ट सुवन्नकोडीओ अट्ट सउडे मउडप्पवरे अट्ट कुंडलजोए कुंडलजोयप्पवरे अट्ट हारे हारप्पवरे अह अद्धहारे अद्धहारप्पवरे अट्ठ एगावलीओ एगावलिप्पवराओ एवं मुत्तावलीओ एवं कणगावलीओ एवं रयणावलीओ अट्ठ कडगजोए कंडगजोयप्पवरे एवं तुडियजोए अट्ठ खोमजुयलाइं खोमजुयलप्पवराई एवं वडंगजुयलाई एवं पट्टजुयलाई एवं दुगुलजुयलाई अट्ठ सिरीओ अट्ठ हिरीओ एवं धिईओ कित्तीओ वुद्धीओ लच्छीओ अट्ठ नंदाई अट्ठ भद्दाइं अट्ठ तले तलप्पवरे सव्वरयणामए णियगवरभवणकेऊ अट्ट झए झयप्पवरे अट्ठ वए वयप्पवरे दसगोसाहस्सिएणं वएणं अट्ठ नाडगाइं नाडगप्पवराई वत्तीसवद्धणं नाडएणं अट्ठ आसे आसप्पवरे सव्वरयणामए सिरिघरपडिरूवए अट्ट हत्थी हत्थिप्पवरे सव्वरयणामएसिरिघरपडिरूवए अट्ट जाणाई जाणप्पवराइं अह जुग्गाइं जुग्गप्पवराई एवं सिवियाओ