________________
वि० ५० म० ११ उ० १०] सुत्तागमे
६३३ बहियाभिमुहे पक्खिवेजा, पभू णं गोयमा ! तओ एगमेगे देवे ते चत्तारि बलिपिंडे धरणितलमसंपत्ते खिप्पामेव पडिसाहरित्तए, ते णं गोयमा ! देवा.ताए उकिटाए जाव, देवगईएं एगे देवे पुरच्छाभिमुहे पयाए एवं दाहिणाभिमुहे एवं पच्चत्थाभिमुहे एवं उत्तराभिमुहे एवं उड्डाभिमुहे एगे देवे अहोभिमुहे पयाए, तेणं कालेणं तेणं समएणं वाससहस्साउए दारए पयाए, 'तए णं तस्स दारगस्स अम्मापियरो पहीणा भवंति णो चेव णं ते देवा लोगंतं संपाउणंति, तए णं तस्स दारगस्स आउए पहीणे भवइ णो चेव णं जाव संपाउणंति, तए णं तस्स दारगस्स अद्विमिंजा पहीणा भवंति णो. चेव णं ते देवा लोगंतं संपाउणंति, तए णं तस्स दारगस्स आसत्तमेवि कुलवंसे पहीणे भवइ.णो चेव णं ते देवा लोगंतं संपाउणंति,तए णं तस्स दारगस्स नामगोएवि पहीणे भवइ णो चेव णं ते देवा लोगंतं संपाउणंति, तेसि णं भंते ! देवाणं किं गए वहुए अगए वहुए ? गोयमा ! गए बहुए-नो अगए बहुए, गया(ओ)उ से अगए असंखेजइभागे अगयाउ से गए असंखेजगुणे, लोए णं गोयमा ! एमहालए पन्चत्ते । अलोए णं भंते ! केमहालए पन्नत्ते ? गोयमा ! अयन्नं समयखेत्ते पणयालीस जोयणसयसहस्साई आयामविक्खंभेणं जहा खंदए जाव परिक्खेवेणं, तेणं कालेणं तेणं समएणं दस देवा महिड्डिया तहेव जाव संपरिक्खित्ताणं संचिढेजा, अहे णं अट्ठ दिसाकुमा रीओ महत्तरियाओ अट्ठ वलिपिंडे गहाय माणुसुत्तरस्स पव्वयरस चउसुवि दिसासु चंउसुवि विदिसासु वहियाभिमुहीओ ठिच्चा अट्ठ बलिपिंडे जमगसमगं वहियाभिमुहीओ पक्खिवेज्जा, पभू णं गोयमा! तओ एगमेगे देवे ते अट्ठ वलिपिंडे धरणितलमसंपत्ते खिप्पामेव पडिसाहरित्तए, ते णं गोयमा ! देवा ताए उक्किट्ठाए जाव देवगईए लोगते ठिच्चा असम्भावपट्ठवणाए एगे देवे-पुरच्छाभिमुहे पयाए एगे देवे दाहिणपुरच्छाभिमुहे पयाए एवं जाव उत्तरपुरच्छाभिमुहे पयाए एगे देवे उड्डाभिमुहे एगे देवे अहोभिमुहे पयाए, तेणं कालेणं तेणं समएणं वाससयसहस्साउए दारए पयाए, तए णं तस्स दारगस्स अम्मापियरोपहीणा भवंति नो चेवणं ते देवा अलोयंतं सपाउणति, तं चेव जाव तेसि णं भंते ! देवाणं कि गए वहुए अगए वहुए ? गोयमा । नागए बहुए अगए वहुए, गयाउ से अगए अणंतगुणे अगयाउ से गए अणंतभागे, जलाए ण गोयमा ! एमहालए पन्नत्ते ॥४२०॥ लोगस्स णं भंते ! एगंमि आगासपएस ज एगिदियपएसा जाव पंचिंदियपएसा अगिंदियपएसा अन्नमन्नवद्धा अन्नमन्नपुडा जाव अन्नमन्नसमभरघडत्ताए चिट्ठति, अत्थि णं भंते ! अन्नमन्नस्स किचि आगहं वा चावाहं वा उप्पायति छविच्छेदं वा करेंति ? णो इणढे समढे, से केपट्टेणं भंते ! एवं बुच्चइ लोगस्स णं एगमि आगासपएसे जे एगिदियपएसा जाब चिट्ठति णत्यि
