________________
६१०
सुत्तागमे
[भगवई
ओस प्पिणी भवित्ता उस्सप्पिणी भवइ उस्सप्पिणी भवित्ता ओसप्पिणी भवइ, सासए जीवे जमाली ! जं न कयाइ णासि जाव णिचे, असासए जीवे जमाली ! जन्नं नेरइए भवित्ता तिरिक्खजोणिए भवइ तिरिक्खजोणिए भवित्ता मणुस्से भवइ मणुस्ते भवित्ता देवे भवइ । तए णं से जमाली अणगारे समणस्स भगवओ महावीरस्स एवमाइक्खमाणस्स जाव एवं परूवेमाणस्स एयमढे णो सद्दहइ णो पत्तियइ णो रोएइ एयमढें असद्दहमाणे अपत्तियमाणे अरोएमाणे दोचंपि समगस्स भगवओ महावीरस्स अतियाओ आयाए अवक्कमइ दोचंपि आयाए अवकमित्ता वहहिं असम्भावुभावणाहिं मिच्छत्ताभिणिवेसेहि य अप्पाणं च परं च तदुभयं च बुग्गाहमाणे वुप्पाएमाणे बहुइं वासाइं सामनपरियागं पाउणइ २ त्ताअद्धमासियाए संलेहणाए अत्ताणं असेइ अ०२त्ता तीसं भत्ताइं अणसणाए छेदेइ २ त्ता तस्स ठाणस्स अणालोइयपडिकते कालमासे कालं किच्चा लंतए कप्पे तेरससागरोवमठिइएसु देवकिन्विसिएसु देवेसु देवकिन्विसियत्ताए उववन्ने ॥३८६॥ तए णं से भगवं गोयमे जमालि अणगारं कालगयं जाणित्ता जेणेव समणे भगवं महावीरे तेणेव उवागच्छइ ते० २ त्ता समणं भगवं महावीरं वंदइ नमसइ २ त्ता एवं वयासी-एवं खलु देवाणुप्पियाणं अंतेवासी कुसिस्से जमाली णामं अणगारे से णं भंते ! जमाली अणगारे कालमासे कालं किच्चा कहिं गए कहिं उववन्ने ? गोयमाइ समणे भगवं महावीरे भगवं गोयमं एवं वयासी-एवं खलु गोयमा! ममं अंतेवासी कुसिम्से जमाली नामं अणगारे से णं तया मम एवं आइक्खमाणस्स ४ एयमटुंणो सद्दहइ ३ एयमढे असद्दहमाणे ३ दोच्चपि ममं अंतियाओ आयाए अवक्कमइ २ त्ता वहूहिं असम्भावुब्भावणाहि तं चेव जाव देवकिन्विसियत्ताए उववन्ने ॥ ३८७ ॥ कइविहा णं भंते ! देवकिव्विसिया प० ? गोयमा ! तिविहा.देवकिग्विसिया प०, तंजहातिपलिओवमट्टिइया तिसागरोवमट्ठिइया तेरससागरोवमट्टिइया, कहि णं भंते ! तिपलिओवमट्टिइया देवकिव्विसिया परिवसंति ? गोयमा! उप्पि जोइसियाणं हिट्टि सोहम्मीसाणेसु कप्पेसु एत्थ णं तिपलिओवमहिइया देवकिदिवसिया परिवसंति । कहि णं भंते ! तिसागरोवमट्टिइया देवकिवि सिया परिवसंति ? गोयमा ! उप्पि सोहम्मीसाणाणं कप्पाणं हिडिं सणकुमारमाहिदेसु कप्पेसु एत्थ णं तिसागरोवमट्ठिः इया देवकिव्विसिया परिवसंति, कहि णं भंते ! तेरससागरोवमढ़िइया देवकिव्विसिया देवा परिवसंति ? गोयमा । उप्पिं वंभलोगस्स कप्पस्स हिडिं लंतए कप्पे एत्थ णं तेरससागरोवमट्ठिइया देवकिव्विसिया देवा परिवसंति । देवकिन्विसिया णं भंते । केसु कम्मादाणेसु देवकिव्विसियत्ताए उववत्तारो भवंति ? गोयमा! जे इमे जीवा आयरियपडिणीया उवज्झायपडिणीया कुलपडिणीया गणपडिणीया संघ
