________________
सुत्तागमे
[भगवई रणिजाणं कम्माणं खओवसमे कडे भवइ से णं असोचा केवलिरस वा जाव केवलं वोहिं वुज्झेजा, जस्स णं दरिसणावरणिज्जाणं कम्माणं खओवसमे णो कडे भवइ से णं असोचा केवलिस्स वा जाव केवलं वोहि णो वुज्झेजा, से तेणद्वेगं जाव णो बुज्झेजा ॥ असोचा णं भंते ! केवलिस्स वा जाव तप्पक्खियउवासियाए वा केवलं मुंडे भवित्ता अगाराओ अणगारियं पव्वएजा? गोयमा ! असोचा णं केवलिस्स वा जाव उवासियाए वा अत्थेगइए केवलं मुंडे भवित्ता अगाराओ अणगारियं पव्वइजा, अत्थेगइए केवलं मुंडे भवित्ता अगाराओ अणगारियं नो पन्वएज्जा, से केणटेणं जाव नो पव्वएजा ? गोयमा । जस्स णं धम्मंतराइयाणं कम्माणं खओवसमे कडे भवइ से णं असोचा केवलिस्स वा जाव केवलं मुंडे भवित्ता अगाराओ अणगारियं पव्वएजा, जस्स णं धम्मंतराइयाणं कम्माणं खओवसमे नो कडे भवइ से णं असोच्चा केवलिस्स वा जाव मुंडे भवित्ता जाव णो पव्वएज्जा, से तेणटेणं गोयमा ! जाव नो पव्वएजा। असोचा णं भंते ! केवलिस्स वा जाव उवासियाए वा केवलं वंभचेरवासं आवसेज्जा ? गोयमा ! असोचा णं केवलिस्स वा जाव उवासियाए वा अत्थेगइए केवलं वंभरवासं आवसेज्जा, अत्थेगइए केवलं वंभचेरवातं नो आवसेज्जा, से केणढेणं भंते ! एवं वुच्चइ जाव नो आवसेजा ? गोयमा ! जरस णं चरित्तावरणिज्जाणं कम्माणं खओवसमे कडे भवइ से णं असोचा केवलिस्स वा जाव केवलं बंभचेरवासं आवसेज्जा, जस्स णं चरित्तावरणिज्जाणं कम्माणं खओवसमे नो कडे भवइ से णं असोचा केवलिस्स वा जाव नो आवसेज्जा, से तेणटेणं जाव नो आवसेज्जा । असोचा णं भंते ! केवलिस्स वा जाव केवलेणं संजमेणं संजमेजा ? गोयमा ! असोचा णं केवलिस्स वा जाव उवासियाए वा जाव अत्थेगइए केवलेणं संजमेणं संजमेजा, अत्थेगइए केवलेणं संजमेणं नो संजमेजा, से केणढेणं जाव नो संजमेजा ? गोयमा । जस्स णं जयणावरणिज्जाणं कम्माणं खओवसमे कडे भवइ से णं असोचा णं केवलिस्स वा जाव केवलेणं संजमेणं संजमेजा, जस्स णं जयणावरणिजाणं कम्माणं खओवसमे नो कडे भवइ से णं असोचा केवलिस्स वा जाव नो संजमेजा, से तेणढेणं गोयमा ! जाव अत्थेगइए नो संजमेजा । असोचा णं भंते ! केवलिस्स वा जाव उवासियाए वा केवलेगं संवरेणं संवरेजा ? गोयमा ! असोचाणं केवलिस्स वा जाव अत्थेगइए केवलेणं संवरेणं संवरेजा,अत्थेगइए केवलेणं जाव नो संवरेजा, से केणटेणं जाव नो संवरेजा ? गोयमा! जस्स णं अज्झर्वसाणावरणिजाणं कम्माणं खओवसमे कडे भवइ से णं असोचा केवलिस्स वा जाव केवलेणं संवरेणं संवरेजा. जस्स णं अज्झवसाणावरणिजाणं कम्माणं खओवसमे
